بۇل تۋرالى بريفينگىدە الماتى قالاسى دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ايتتى دەپ حابارلايدى Dalanews.kz
الماتىعا ازىرگى ۋاقىتتا كوروناۆيرۋس جۇقتىرعان ادام سانى 40-قا جەتتى. سولاردىڭ ءبىرى اۋرۋى اسقىنۋىنا بايلانىستى جاساندى تىنىس الۋ قۇرىلعىسىنا قوسىلعان.
"ءبىر ناۋقاستىڭ جاعدايى مۇشكىل. دەم الىسى اۋىرلاي باستاعاندىقتان جاساندى تىنىسى الۋ اپپاراتىنا قوسۋعا ءماجبۇر بولدىق.
ناۋقاس 1956 جىلى تۋعان. بۇدان بۇرىن سوزىلمالى وبسترۋكتيۆتى وكپە اۋرۋىنا شالدىققان" – دەدى الماتى قالاسى دەنساۋلىق ساقتاۋ باسقارماسىنىڭ باسشىسى.
ايتا كەتەلىك قازاقستانداعى كوروناۆيرۋس بويىنشا 26 ناۋرىزداعى 21:00-دەگى جاعداي:
كوروناۆيرۋس ىندەتىن جۇقتىرعان تاعى 2 ادام قاراعاندى قالاسىندا تىركەلدى.
وسى ساعاتتا نۇر-سۇلتان قالاسى بويىنشا 61 ادام،
الماتى قالاسىندا – 40 ادام،
قاراعاندى قالاسىندا – 4 ادام،
شىمكەنت قالاسىندا – 2 ادام،
الماتى وبلىسىندا – 1 ادام،
اقتوبە وبلىسىندا – 1 ادام،
جامبىل وبلىسىندا -1 ادام،
سولتۇستىك قازاقستان وبلىسىندا – 1 ادام
ازىرگە جالپى سانى 111 ناۋقاس تىركەلدى.
