Almatyda kolledj stýdentinen týberkýlez anyqtalǵany belgili boldy, dep habarlaidy Dala News.
Qalalyq bilim basqarmasynyń málimetinshe, jaǵdai ata-analardyń ótinishinen keiin baqylaýǵa alynǵan. Barlyq sanitarlyq-epidemiologiialyq sharalar tolyq kólemde júrgizilgen.
Vedomstvonyń málimetine sáikes, 2026 jylǵy 19 naýryzda 4-kýrs stýdenti emhanaǵa júginip, fliýorografiiadan ótken kezde ókpe týberkýlezi anyqtalǵan.
Nátijesi belgili bolǵannan keiin stýdent birden oqý protsesinen shettetilip, tiisti meditsinalyq mekemege jatqyzylǵan.
Bilim basqarmasy stýdenttiń jataqhanada turmaitynyn, ata-anasymen birge páterde turatynyn atap ótti.
Kolledj ákimshiligi men meditsinalyq qyzmetter birlesip, shuǵyl túrde epidemiiaǵa qarsy sharalar júrgizgen.
- Atap aitqanda:
- stýdent oqshaýlanyp, emi dárigerler baqylaýyna alynǵan;
- naýqaspen bailanysta bolǵandardyń barlyǵy tekserýden ótken;
- 1738 stýdent, 150 oqytýshy jáne tehnikalyq qyzmetkerler fliýorografiiadan ótken;
- stýdent oqyǵan topta (20 stýdent, 15 oqytýshy) qosymsha ATR-test pen qaita tekserý júrgizilgen;
- oqý korpýstary men jataqhanada tolyq sanitarlyq óńdeý jasalǵan;
- stýdentter men ata-analarǵa túsindirý jumystary júrgizilgen.
Qalalyq bilim basqarmasy jaǵdai tolyq baqylaýda ekenin málimdedi.
