Almatyda urlanǵan mobildi qurylǵylardy zańsyz ainalymǵa shyǵarýmen ainalysty degen kúdikpen qala turǵyny ustaldy. Onyń úiin tintý kezinde 30 uialy telefon men eki planshet tárkilengen, dep habarlaidy Dalanews.kz.
Medeý aýdanynyń prokýratýrasy politsiia basqarmasymen birlesip, "Zelionyi bazar" aýmaǵynda jáne "GÝM" saýda úiinde reid júrgizgen. Sharanyń maqsaty - qylmystyq jolmen alynǵan múlikti satyp alý derekterin anyqtaý.
Tekserý barysynda quqyq qorǵaý organdary bes ákimshilik quqyq buzýshylyqty tirkep, árqaisy boiynsha hattama toltyrǵan. Kináli tulǵalar jaýapkershilikke tartyldy.
Sonymen qatar kriminaldyq politsiia qyzmetkerleri urlanǵan múlikti zańsyz ainalymǵa shyǵarýǵa qatysy bar degen kúdikpen Almaty turǵynyn ustady. Prokýratýranyń málimetinshe, onyń turǵylyqty jerin tintý kezinde 30 urlanǵan uialy telefon men eki planshet tárkilengen.
Qazirdiń ózinde alty telefonnyń iesi anyqtaldy, qalǵan qurylǵylardyń ielerin izdestirý jumystary jalǵasyp jatyr.
Atalǵan derek boiynsha QR Qylmystyq kodeksiniń 196-baby "Qylmystyq jolmen alynǵan múlikti kórineý satyp alý nemese ótkizý" boiynsha sotqa deiingi tergeý bastaldy.
