QMA Almaty qalasy boiynsha departamenti «Comfort Time» JShS jáne basqa da baqylaýdaǵy kásiporyndardyń basshylyǵyna qatysty aldaý arqyly múliktik zalal keltirý faktisi boiynsha tergeý júrgizýde, dep habarlaidy Dalanews.kz.
Qylmystyq shemanyń uiymdastyrýshylary birqatar zańdy tulǵalardy tirkep, solar arqyly nesie alýdy kózdegen, alaida is júzinde eńbek qatynastarynda bolmaǵan azamattardyń atyna jalǵan zeinetaqy aýdarymdaryn rásimdegen.
Saldarynan qaryz alýshylardyń tabystary men tólem qabilettiligi týraly jalǵan derekter qalyptastyrylyp, bankter sonyń negizinde nesie rásimdegen.
Atalǵan zańsyz qyzmet úshin uiymdastyrýshylar qaryz alýshylardan berilgen somanyń 10%-yna deiin «syiaqy» alyp otyrǵan.
Kóp jaǵdaida nesie alýshylar basynan bankter aldyndaǵy mindettemelerin oryndaýdan jaltarǵan.
Atalǵan qylmystyq shema aiasynda 399 mln teńge somasyna qaitarylmai qalǵan 140 nesie alynǵan. Kóbine qaryz alýshylar qatarynda jumyssyz azamattar nemese teris nesie tarihy bar tulǵalar bolǵan.
Mundai faktiler Astana, Almaty, Shymkent qalalary, Jetisý, Abai, Mańǵystaý, Jambyl jáne Aqtóbe oblystarynad anyqtaldy.
Aita ketý kerek, atalmysh shemalar halyqtyń qaryzǵa batý máselesin odan saiyn kúrdelendiredi, sebebi qaryz alýshylar birden birneshe bankten maquldaýyn alyp, saldarynan olardyń qaryz júktemesi eselep ósedi.
Tergeý jalǵasýda.
