Almatyda joǵary laýazymdy áskeri qyzmetkerler qyzmettik ókilettikterin asyra paidalandy degen kúdikke ilindi, dep habarlaidy Dalanews.kz.
Áleýmettik jelilerde qorǵanys salasyndaǵy birqatar joǵary laýazymdy tulǵalardyń ustalǵany týraly aqparat tarady.
Atalǵan máselege qatysty QR Ishki ister ministrligi Kazinform agenttigine pikir bildirdi.
"IIM áskeri-tergeý departamenti QR Qylmystyq kodeksiniń 451-baby (bilikti nemese laýazymdyq ókilettikterdi asyra paidalaný) boiynsha Almaty qalasy Qorǵanys isteri jónindegi departamentiniń laýazymdy tulǵalaryna qatysty qylmystyq isti tergep jatyr. Qylmystyq-protsestik kodekstiń 201-babyna sáikes, tergeý múddesine bailanysty ózge málimetter jariia etýge jatpaidy", — dep málimdedi ministrlik ókilderi.
Eske salaiyq, buǵan deiin Jambyl oblysynda aýyr qylmysty jasyrǵan politsiia basshysynyń orynbasary ustalǵany týraly jazǵan edik.
“Prokýratýra Qylmystyq kodekstiń 433-babynyń 2-bóligi (qylmystyq quqyqbuzýshylyqty jasyrý) boiynsha Baizaq aýdany politsiia bóliminiń basshysynyń orynbasaryna qatysty tergeýge deiingi tekserý bastady. Ol aýyr sanattaǵy qylmysty qasaqana jasyrdy degen kúdikke ilindi. Atap aitqanda, aýdanda bolǵan 10,7 mln teńge urlyǵyna qatysty qylmystyq quqyqbuzýshylyq týraly aryzdy biryńǵai tergeý reestrine tirkemei, qylmysty jasyrýǵa tyrysqan. Jinalǵan dáleldemeler negizinde onyń áreketi QK 433-babynyń 3-bóligi 2-tarmaǵy boiynsha (aldyn ala sóz bailasý arqyly top bolyp aýyr qylmysty jasyrý) saralandy.
Kúdikti politsiia qyzmetkeri Qylmystyq-protsestik kodekstiń 128-131-baptaryna sáikes ustalyp, sot sanktsiiasymen qamaýǵa alyndy”, – delingen oblystyq prokýratýranyń baspasóz qyzmeti jariialanǵan habarlamada.
