Almatyda joǵalǵan jigit 12 kún boiy kompiýter klýbynda bolǵan
«Ol keshe, túngi saǵat ekide tabyldy. Áýezov aýdandyq IIB Almatydaǵy barlyq kompiýter klýbyn aralap júrip, tapty. Ol sonda oinap otyrǵan», — dedi Gúlbaný Qosylbekova.
Onyń aitýynsha, jigit fotoapparatty lombardqa ótkizip jibergen. «Sol aqshamen qydyryp júrgen. Keiin aqshasy bitip, bireýdiń kiimderin kiip júrgen, jaýraǵan. Sodan balalar oǵan aqsha bergen. Osyndai jaǵdaiǵa deiin jetken. Sizderge ótinishim bar — bizge osyndai kompiýter oiyndaryna qumar adamdarmen jumys istei alatyn psiholog kerek», — deidi áiel.
22 jastaǵy Hanapiia Qosylbekov 16 qazanda joǵalǵan. Jigit tústen keiingi ýaqytta Canon fotoapparatymen ketip, sodan beri oralmaǵan. «Ol — jalǵyzym! Ekeýmiz ǵanamyz! Maǵan kómek kerek, ony 16 qazannan beri kórmedim, qaida ekenin bilmeimin. Búiregi aýyrady, kórý qabiletin minýs 5. Onyń qolynda qymbat fotoapparat bar edi, sol úshin balamdy bireý-mireý bálege ushyrata ma dep qorqyp otyrmyn. Men politsiiaǵa habarlastym, biraq olar áli de eshteńe teksermegen!», — degen edi jigittiń anasy Gúlbaný Qosylbekova zar ilep.
