الماتىدا جوعالعان جٸگٸت 12 كٷن بويى كومپيۋتەر كلۋبىندا بولعان
«ول كەشە, تٷنگٸ ساعات ەكٸدە تابىلدى. ەۋەزوۆ اۋداندىق ٸٸب الماتىداعى بارلىق كومپيۋتەر كلۋبىن ارالاپ جٷرٸپ, تاپتى. ول سوندا ويناپ وتىرعان», — دەدٸ گٷلبانۋ قوسىلبەكوۆا.
ونىڭ ايتۋىنشا, جٸگٸت فوتواپپاراتتى لومباردقا ٶتكٸزٸپ جٸبەرگەن. «سول اقشامەن قىدىرىپ جٷرگەن. كەيٸن اقشاسى بٸتٸپ, بٸرەۋدٸڭ كيٸمدەرٸن كيٸپ جٷرگەن, جاۋراعان. سودان بالالار وعان اقشا بەرگەن. وسىنداي جاعدايعا دەيٸن جەتكەن. سٸزدەرگە ٶتٸنٸشٸم بار — بٸزگە وسىنداي كومپيۋتەر ويىندارىنا قۇمار ادامدارمەن جۇمىس ٸستەي الاتىن پسيحولوگ كەرەك», — دەيدٸ ەيەل.
22 جاستاعى حاناپييا قوسىلبەكوۆ 16 قازاندا جوعالعان. جٸگٸت تٷستەن كەيٸنگٸ ۋاقىتتا Canon فوتواپپاراتىمەن كەتٸپ, سودان بەرٸ ورالماعان. «ول — جالعىزىم! ەكەۋمٸز عانامىز! ماعان كٶمەك كەرەك, ونى 16 قازاننان بەرٸ كٶرمەدٸم, قايدا ەكەنٸن بٸلمەيمٸن. بٷيرەگٸ اۋىرادى, كٶرۋ قابٸلەتٸن مينۋس 5. ونىڭ قولىندا قىمبات فوتواپپارات بار ەدٸ, سول ٷشٸن بالامدى بٸرەۋ-مٸرەۋ بەلەگە ۇشىراتا ما دەپ قورقىپ وتىرمىن. مەن پوليتسيياعا حابارلاستىم, بٸراق ولار ەلٸ دە ەشتەڭە تەكسەرمەگەن!», — دەگەن ەدٸ جٸگٸتتٸڭ اناسى گٷلبانۋ قوسىلبەكوۆا زار يلەپ.
