Almatyda jylytý maýsymynda kei turǵyndar batareialar ystyq bolǵanymen, páter ishindegi temperatýranyń jaily deńgeige jetpeitinin aityp shaǵymdanady, dep habarlaidy Dala news.
Bul jaǵdaidyń negizgi sebepteriniń biri – ǵimarattardaǵy jylý shyǵyny.
«Almatinskie teplovye seti» JShS mamandarynyń málimetinshe, jylý beineleý (teploviziialyq) tekserýler nátijesinde tiptik úilerde jylý energiiasynyń 60–70%-ǵa deiingi bóligi qabyrǵalar, shatyr, tereze oiyqtary men panelaralyq tigister arqyly joǵalýy múmkin. Ásirese jylý oqshaýlaýy jetkiliksiz úilerde mundai másele jii kezdesedi.
Mundai jaǵdaida jylý tasymaldaǵyshtyń temperatýrasyn kóterý árdaiym páter ishindegi aýanyń jylynýyna áser ete bermeidi.
Mamandar artyq jylý shyǵynynyń negizgi belgilerin atap ótti:
•syrtqy qabyrǵalar men buryshtardyń salqyndyǵy;
•tereze men eńisterde kondensattyń jinalýy;
•ylǵal men zeńniń paida bolýy;
•uqsas, biraq jylý oqshaýlaýy bar úilermen salystyrǵanda jylytý shyǵyndarynyń joǵary bolýy.
Kompaniia túsindirgendei, jylý ǵimarattan birneshe jolmen shyǵady:
jylý ótkizgishtik arqyly (qabyrǵa, tereze, shatyr, eden),
konvektsiia arqyly (sýyq better mańyndaǵy aýanyń ainalymy),
sondai-aq jylýlyq sáýlelený arqyly.
Jylý shyǵynyn azaitý sharalaryn jylytý maýsymynan tys kezeńde júrgizgen tiimdi. Oǵan qasbetti jáne shatyr aralyq jabyndardy oqshaýlaý, panelaralyq tigisterdi germetizatsiialaý, energiia únemdeitin terezeler ornatý jáne kireberisterdi tyǵyzdaý jatady.
Keshendi jumystar ǵimarattyń energiia tiimdiligin arttyryp, jylý shyǵynyn edáýir qysqartýǵa múmkindik beredi. Turǵyndarǵa úidiń tehnikalyq jaǵdaiyn baǵalaý jáne qajetti sharalardy josparlaý úshin basqarýshy kompaniialarǵa, KSK nemese OSI-ge júginý usynylady.
