Turǵyn úilerdiń ekinshi jáne úshinshi qabattarynan sekirgen úsh adam zardap shekti.
Tekseristen keiin zardap shekken eki adam ambýlatorlyq emdeýge jiberildi. Úshinshi naýqastyń jaǵdaiy aýyr dep baǵalanyp, aýrýhanaǵa jatqyzyldy. Bes adam úiden qashyp bara jatyp jaraqat alǵan. Barlyq qajet meditsinalyq kómek kórsetilgennen keiin olar ambýlatorlyq emdeýge jiberildi.
Almatyda qýatty jer silkinisi sezilgeni aityldy. TJD taǵy da jer asty dúmpýiniń bolý yqtimaldylyǵy tómen ekenin aitty.
Jer silkinisiniń oshaǵy Qytaida, negizinen uiǵyrlar qonystanǵan Ýshý provintsiiasynda boldy. Epitsentrdegi terbelis magnitýdasy – 7,0 ball. Qutqarýshylar zardap shekkender men ǵimarattardyń qiraýy tirkelmegenin aitty.
Almatyda jer silkinisinen zardap shekkenderdiń sany 44-ke jetti.
Almaty qalalyq politsiia departamentiniń málimetinshe, patrýldik politsiianyń sany ulǵaitylyp, ýchaskelik inspektorlarynyń turǵyn úilerdi aralaýy uiymdastyryldy.
«Kólik ótkizýdi qamtamasyz etý jáne keptelisterdi boldyrmaý maqsatynda patrýldik politsiia inspektorlary kólik qozǵalysyn qolmen retteýge kóshti. Sonymen qatar, Almaty politsiiasy azamattardy úileriniń esigin kilttep jabýǵa shaqyrady», - dep habarlady departamentten.
https://dalanews.kz/news/98044-almatylyqtarga-zher-silkinisi-turaly
