Almatyda jalǵa berýshi jáne ivent-kompaniialardyń IV Ortalyq Aziia konferentsiiasy ótip jatyr. Is-sharany Mádeniet nysandary tehnologiialary injenerleri qaýymdastyǵy (AITOK) uiymdastyrdy, dep habarlaidy Dalanews.kz.
Konferentsiia 20 qańtarda bastaldy. Jiyn sahnalyq tehnologiialar, jaryq, dybys, beine jáne sahnalyq mehanika baǵyttarynda eńbek etetin Ortalyq Aziia óńiriniń mamandaryn bir alańǵa jinady.
Konferentsiia aiasynda sahnalyq jaryq, dybys jáne beine salalaryndaǵy zamanaýi sheshimder men jańa tehnologiialar tanystyrylyp, kásibi tájiribe almasý uiymdastyryldy. Baǵdarlamada jaryq sýretshileri, dybys rejissiorleri, beineinjenerler, sahna mehanikteri men montajshylarǵa arnalǵan dárister, sheberlik sabaqtary jáne kásibi baiqaýlar qarastyrylǵan.
Sonymen qatar konferentsiia sheńberinde Qazaqstanda alǵash ret otandyq jetekshi prokat kompaniialarynyń qatysýymen paneldik sessiia ótti. Onda salanyń ózekti máseleleri men 2026 jylǵa arnalǵan damý josparlary talqylandy.
Dástúrli túrde jaryq sýretshilerine arnalǵan "Basking" baiqaýy uiymdastyryldy. Al biyl baǵdarlamaǵa alǵash ret dybys rejissiorlerine arnalǵan Sound Scrap battly engizildi.
Uiymdastyrýshylardyń aitýynsha, konferentsiia jyl saiyn sala mamandary men kóshbasshylaryn biriktiretin mańyzdy kásibi alańǵa ainalyp keledi.
