Almaty oblysynda Lenovo kompanıasynyń GR dırektory Ermek Jaqypjanovtyń denesi tabyldy, dep habarlaıdy Dalanews.kz. 

9 qazanda Ermek Jaqypjanov Almaty qalasyndaǵy úıinen óziniń qarasur tústi Hyundai Genesis kóligimen shyǵyp ketip, qaıta oralmaǵan.

Jaqypjanov Lenovo kompanıasynda 1,5 jyl boıy GR dırektory (memlekettik mekemelermen baılanys jónindegi maman) qyzmetin atqarǵan.

Almaty oblystyq polısıa departamenti aqparatty rastap, qylmystyq is qozǵalǵanyn málimdedi. Polısıanyń málimetinshe, 24 jastaǵy kúdikti ustalǵan.

Qazir qylmystyń barlyq mán-jaıy men sebepterin obektıvti zertteý bastaldy. Qajetti tergeý áreketteri júrgizilip jatyr, – delingen habarlamada.