Almatyda III Halyqaralyq túrkitildes jýrnalister media forýmy ótedi
Forým aiasynda «Áleýmettik jýrnalistika: BAQ-taǵy áleýmettik máseleler» taqyrybyna seminar-trening uiymdastyrylady. Sonymen qatar «Halyk bank» AQ seriktestiginde 7 jyldan beri ótkizip kele jatqan qarjy taqyrybyndaǵy «Erkin sóz» ben «Shevron» kompaniiasynyń «Áleýmet – qoǵam ainasy» baiqaýynyń jeńimpazdaryn marapattaý saltanatyn ótkizý josparlanǵan. Baiqaý jeńimpazdaryn marapattaý kezinde qazaq jýrnalistikasynyń damýyna eleýli úles qosqan azamattar Joldasbek Dýanabai, Ainur Sydyqova, Sáken Orynbasaruly atyndaǵy arnaiy syilyqtar tabystalady. Jeńimpazdardy belgili qazaqstandyq jýrnalister men kásibi sarapshylardan qurylǵan Qazylar alqasy anyqtaidy.
4 jeltoqsan kúni «Turktime: túrki memleketteriniń media birligi» taqyrybyna III Halyqaralyq túrkitildes jýrnalister media forýmy ótedi. Forýmǵa Qazaqstannyń barlyq oblys, aýdandarynan, sondai-aq Qyrǵyzstan, Ózbekstan, Ázirbaijan, Túrkiia, Belgiia, Britaniia, Niderland elderindegi túrkitildes BAQ basshylary, jýrnalister, media salasyndaǵy úkimettik emes uiymdardyń ókilderi, JOO jýrnalistika fakýltetteriniń dekandary men oqytýshylary qatysady.
Forýmda otandyq jáne sheteldik media sarapshylar Túrki memleketteriniń aqparattyq yntymaqtastyǵy, kásibi etika, quqyq jáne aqparattyq qaýipsizdik máselelerin talqylaidy. Sonymen qatar kontentti monetizatsiialaý máseleleri, jasandy intellekt trendteri men ony media keńistikte qoldaný taqyryby talqylanyp, trening ótkizý kózdelip otyr.
«Turktime: túrki memleketteriniń media birligi» taqyrybyndaǵy III Halyqaralyq túrkitildes jýrnalister media forýmyna www.mediaforum.kz saity arqyly tirkelýge bolady.
Ótetin orny: «Regardal hotel» (Almaty q. Pojarskii kóshesi, 1).
Tolyq aqparat: +7 775 166 8920.
