Almatyda esirtkini jarnamalaǵan azamat ustaldy, dep habarlaıdy Dalanews.kz.
Almaty qalasynyń polıseıleri 33 jastaǵy jergilikti turǵyndy ustady. Bógenbaı batyr men Chokın kósheleriniń qıylysynda er adam ǵımarattyń qasbetterine esirtki jarnamasyn salǵan.
“Keshke qaraı qaskóı esirtki jazýy bar trafaretpen jáne basqa da kórkem qural-jabdyqtarmen qarýlanyp, úılerdiń aýlasyna qaraı bet aldy. Onyń qasynda serigi boldy. Osylaısha jastar ózderine nazar aýdartpaımyz dep oılady. Alaıda olar ustaldy. Qyzdyń róli tergeý barysynda anyqtalatyn bolady.
Kúdikti qamaýǵa alyndy. Esirtki, psıhotroptyq zattar men prekýrsorlardyń analogtaryn nasıhattaý nemese zańsyz jarnamalaý deregi boıynsha sotqa deıingi tergeý bastaldy”, – dedi Almaly aýdandyq polısıa basqarmasy bastyǵynyń orynbasary Maqsat Pshan.
Kúdikti buryn esirtki qylmysy úshin sotty bolǵan. Qazirgi ýaqytta, onyń jumys berýshileri anyqtalýda, jedel sharalar qoldanylyp jatyr.
