Almatyda múmkindigi shekteýli jandar arasynda fýtboldan «ID Football Cup-2025» atty týrnir ótti. Dodany qalalyq Jumyspen qamtý jáne áleýmettik baǵdarlamalar basqarmasynyń qoldaýymen sport federatsiiasy uiymdastyrdy,- dep habarlaidy Dalanews.kz
Týrnirge qalanyń meditsinalyq-áleýmettik mekemelerinde turatyn azamattardan quralǵan alty komanda qatysty. Jarys ainalmaly júie boiynsha ótti – ár komanda bir-birimen kezdesip, eń kóp upai jinaǵan ujym jeńimpaz atandy.
Uiymdastyrýshylardyń aitýynsha, mundai sporttyq sharalar erekshe jandardyń ómirge degen qulshynysyn arttyryp, qoǵamǵa beiimdelýine zor yqpal etedi.
– Bul týrnirdiń basty maqsaty – múmkindigi shekteýli azamattarǵa qoldaý kórsetý, olardy jigerlendirip, qoǵamǵa beiimdeýge úles qosý. Sonymen qatar, bolashaqta jaqsy oiynshylardy iriktep, olardy Almaty qalasynyń atynan respýblikalyq jarystarǵa shyǵarý josparda bar, – deidi «Alataý» arnaiy qyzmet kórsetý ortalyǵy direktorynyń orynbasary Myrzabek Qazyhanov.
