Almaty qalasynyń Alataý aýdanynda ornalasqan «Kaspii» turǵyn úi kesheniniń aýlasynda oryn alǵan oqiǵa jurtshylyqtyń nazaryn aýdardy. Kýágerlerdiń aitýynsha, balalar arasyndaǵy sóztalas eresekterdiń aralasýyna ulasqan, dep habarlaidy Dalanews.kz
Er adam aýlada oinap júrgen balanyń birine kúsh qoldandy degen aqparat tarady. Oqiǵa barysynda er adamnyń jubaiy da kelip, zardap shekken balanyń ájesimen sózge kelip qalǵany habarlandy.
Zardap shekken balanyń týystarynyń aitýynsha, atalǵan otbasy óz tarapynan bolǵan áreketti moiyndamai otyr.
Sondai-aq, ýchaskelik inspektor tarapynan olardy «tatýlastyrý» jóninde usynys bolǵanyn, al ony júzege asyrý úshin kúdiktiler meditsinalyq shyǵyndy óteýi kerektigi týraly aqparat ta tarady.
Qoǵam belsendileri men aqparat quraldary Almaty qalalyq Politsiia departamentin bul oqiǵaǵa bailanysty tolyq ári ádil tergeý júrgizýge, eresekterdiń is-áreketterine quqyqtyq baǵa berýge jáne kámeletke tolmaǵan balanyń quqyqtary men qaýipsizdigin qamtamasyz etýge shaqyrady.
Sonymen birge, quqyq qorǵaý jáne qadaǵalaý organdarynyń nazaryn oqiǵanyń barlyq mán-jaiyn obektivti túrde anyqtaýǵa aýdarý suraldy.
Balalardyń qaýipsizdigi — qoǵam úshin basty qundylyq. Jergilikti turǵyndar men kópshilik bul jaǵdaidyń nazardan tys qalmaitynyna, al jaýapty tulǵalardyń zań aiasynda tiisti jaýapkershilikke tartylatynyna úmit bildiredi.
