Almaty ákimi Erbolat Dosaev Medeý aýdany turǵyndarymen kezdesýde aldaǵy jyldary ekologiialyq talaptarǵa sai kelmeitin kólik ieleri qaladaǵy belgili bir aimaqtarǵa kirý úshin aqy tóleýi múmkin ekenin málimdedi, dep habarlaidy Dalanews.kz.
CMN.KZ málimetinshe, Dosaev bul másele boiynsha qala biligi arnaiy baǵdarlama ázirlegenin aitty.
"Biz 2025-2027 jyldarǵa arnalǵan baǵdarlama jasadyq. Keibir sharalardy 1 shildeden, qalǵanyn 1 tamyzdan bastap iske asyramyz. Birinshiden, barlyq iri qalalar siiaqty, biz de avtoturaq qunyn edáýir arttyramyz. Bul – ekologiiaǵa ziiandy kólikterdi qala ishinde júrýden birtindep shekteý úshin jasalyp otyrǵan shara", – dep túsindirdi qala ákimi.
Dosaevtyń aitýynsha, qalaǵa kirý boiynsha alǵashqy shekteýler 2026 jyldyń sońyna qarai engizilýi múmkin. Biraq Almaty turǵyndary men ekologiialyq taza kólik ieleri úshin belgili bir jeńildikter qarastyrylmaq.
"Mysaly, Almatyda tirkelgen, biraq ekologiialyq talaptarǵa sai kelmeitin kólikter belgili bir aimaqtarǵa nemese Shyǵys ainalma jolyna tek aqy tóleý arqyly kire alady. Al elektromobilder men ekologiialyq taza jańa kólik ielerine kirý tegin bolady", – dedi ákim.
Onyń aitýynsha, mundai júie Niý-Iork tájiribesine negizdelgen. Bul qalada aqyly kirý aimaqtaryn engizý arqyly kólik qozǵalysyn jaqsartý múmkin bolǵan.
