Almatyda áleýmettik jelide taraǵan daýly málimdemeden keıin dinı tulǵa jaýapkershilikke tartyldy, dep habarlaıdy Dala News.
Polısıa málimetinshe, Ahmet Qurbanalı suhbat barysynda «áıelin shákirtine berý» týraly aıtqan, bul qoǵamda rezonans týdyrǵan.
Quqyq qorǵaý organdary onyń sózderi zańnamaǵa qaıshy jáne qoǵamdyq sana men konfesıaaralyq kelisimge keri áser etýi múmkin ekenin atap ótti.
Nátıjesinde er adam QR ÁQBtK-niń 490-baby boıynsha aıyppulǵa tartyldy. Sonymen qatar onyń resmı dinı qyzmetker emes ekeni anyqtalǵan.
Sondaı-aq suhbat alǵan tulǵa da jaýapkershilikke tartyldy. Polısıa zańsyz kontent úshin ony jasaýshylar ǵana emes, taratýshylar da jaýap beretinin eske saldy.
