Dańqty mánerlep syrǵanaýshynyń esimi qaladaǵy aty joq kóshelerdiń birine beriletin boldy, dep habarlaıdy Dalanews.kz.
Keshe Almaty máslıhatynyń HHHIV sesıasy ótti. Depýtattar 156 aty joq kóshege ataý berýdi maquldady. Onyń ishinde 22 kóshe soǵys ardagerleriniń, taǵy 15 kóshe belgili tulǵalardyń esimimen atalatyn boldy. Tizimge olımpıada júldegeri, mánerlep syrǵanaýshy Denıs Ten, akademık Ábdýálı Qaıdar, arheolog Karl Baıpaqov jáne basqa da azamattar engen.
Sonymen qatar jergilikti búdjetten qarjylandyrylatyn aýrýlar men dári-dármekter tizimi keńeıtildi. Sondaı-aq, qysta joldardy kútip-ustaýdy jaqsartý úshin qalany abattandyrý qaǵıdalaryna ózgerister engizildi.
2018 jylǵy 19 shildede mánerlep syrǵanaýshy Denıs Tendi qatygezdikpen óltirip ketti. Qylmys Almatynyń qaq ortasynda, kúndizgi ýaqytta bolǵan: eki er adam onyń kóliginiń aınalaryn urlamaq bolǵan, janjal kezinde olardyń biri sportshyǵa pyshaq salyp, ol alǵan jaraqatynan qaıtys boldy.
