Almatyda esirtki qylmysyna qarsy kúres basqarmasynyń qyzmetkerleri gashish pen mefedron saqtaǵan eki áieldi ustady. Kúdiktilerdiń biri buryn ishki ister organdarynda qyzmet etken bolyp shyqty, dep habarlaidy Dalanews.kz.
Quqyq qorǵaý organdary tintý barysynda olardyń janynan úsh jarym kilogramm esirtki tárkilegen. Sonymen qatar, ustalǵandardyń birinen qyzmettik kýálik tabylǵan.
“Jaldamaly páterge tintý júrgizilip, esirtki zattary tárkilendi. Olardyń naqty qaidan alynǵanyn jáne kimge tiesili ekenin sot-himiialyq saraptama anyqtaidy. Kúdiktiler ýaqytsha ustaý izoliatoryna qamaldy. Qazir ózge de mán-jailar anyqtalýda”, – dep málimdedi Almaty qalalyq Politsiia departamenti.
Orda.kz redaktsiianyń qolyna tintý kezinde túsirilgen kadrlar tústi. Fotodaǵy qyzmettik kýálikke qaraǵanda, ustalǵandardyń biri Qaraǵandy politsiiasynda tergeýshi bolyp jumys istegen.
Alaida Qaraǵandy oblystyq Politsiia departamenti bul derekti joqqa shyǵardy.
“Ustalǵan (Elena) 2024 jyldyń 29 tamyzynda óz erkimen jumystan bosatylǵan”, – dep habarlady vedomstvo Orda.kz redaktsiiasyna.
