Rásimge qatysýshylarǵa arnaǵan sózinde E. Babaqumarov bolashaq monýmenttiń irgetasynyń qalanýy «Jeltoqsan» saiabaǵy ashylǵannan bir jyl ótken soń jáne Jeltoqsan oqiǵasynyń 35 jyldyǵyna orailastyrylǵanyn atap ótti.
Almaty ákiminiń orynbasary Tuńǵysh Prezident – Elbasy N. Nazarbaevtyń osy jastar armandaǵan táýelsizdikke qol jetkizgenimiz týraly sózderin eske saldy. Olardyń kórsetken erligi umytylmaýy kerek. 30 jyl buryn halyq bostandyq pen táýelsizdik paidasyna tańdaý jasady. El Prezidenti Q.-J. Toqaev totalitarlyq júie qysqan osy oqiǵalarǵa qatysýshylardyń erlikterin dáripteý qajettigi týraly málimdedi.
«Bir jyl buryn biz Táýelsizdiktiń 30 jyldyǵyn merekeleýge daiyndyqqa kiristik. «Jeltoqsan»saiabaǵynyń orny men ataýy jeltoqsan birlestikteriniń ókilderimen birge anyqtaldy. Almaty ákimi B. Saǵyntaev monýmentti ornatý týraly tiisti sheshim qabyldady. Bul kún bizdiń qalamyzdyń tarihyndaǵy mańyzdy oqiǵa bolatynyna senimdimin», - dedi qala ákiminiń orynbasary.
«Saiabaqtyń ashylýy, bolashaqta eskertkish ornatý – bul jeltoqsan batyrlaryna qurmet qana emes, olardyń erlikterin máńgi este saqtaý, bolashaq urpaqqa jetkizý. «Jeltoqsan» saiabaǵy úlken ári oǵan keletinder de kóp bolady – ony abattandyrý jumystary jalǵasýda. Buryn bul qaraýsyz qalǵan skver bolatyn, al endi qala turǵyndary jańa qoǵamdyq keńistikti aralai otyryp, bizdiń halqymyzdyń tarihymen tanysady», - dep atap ótti E. Babaqumarov jinalǵandardy kele jatqan Táýelsizdik kúnimen quttyqtady.
Qazirgi ýaqytta «Jeltoqsan» eskertkishiniń eskizin ázirleýge konkýrs jariialandy.
Bul kúni «Jeltoqsan» saiabaǵynda ashyq aspan astyndaǵy murajai da ashyldy. Ekspozitsiialarda Jeltoqsan oqiǵasynyń keiipkerleri, tarihi qujattar, sondai-aq 1986 jylǵy kóteriliske qatysýshylar týraly baiandaityn fotomaterialdar usynylǵan.
Irgetasyn qalaý rásimine qatysqan Qazaqstan Jazýshylar odaǵynyń tóraǵasy Ulyqbek Esdáýlet ótken jyly osy jerde «Jeltoqsan» saiabaǵynyń ashylýy ótkenin eske aldy.
«Irgetastyń qalanýy Almaty ákimdiginiń jeltoqsan oqiǵasyn máńgi este qaldyrý jónindegi jumysynyń qisyndy jalǵasy boldy. 1986 jylǵy jeltoqsan kóterilisi – keńestik rejimdi qulatqan tarihi oqiǵa. Ókinishke orai, totalitarlyq júie alańǵa shyqqan jas jigitter men qyzdardyń taǵdyryn buzdy. Jeltoqsan kóterilisi Qazaqstan tarihynda erlik jáne sonymen birge qaiǵyly oqiǵa bolyp qala beredi. Sondyqtan, búgingi tastyń qalanýy jáne bolashaqta eskertkishtiń ashylýy óskeleń urpaqty tárbieleý úshin erekshe mańyzǵa ie jáne jeltoqsanshylardyń erligine qurmet bolady», - dedi U. Esdáýlet.
Rásimge qatysýshylar «Jeltoqsan» saiabaǵynyń aýmaǵyna aǵash otyrǵyzdy. Bolashaqta bul aýmaqty kógaldandyrý josparlanýda. Is-shara sońynda shaqyrylǵan Jeltoqsan oqiǵasyna qatysqandar úshin patriottyq ánder oryndaǵan estrada juldyzdarynyń qatysýymen kontsert qoiyldy.
