Almatydaǵy baraholka aýmaǵynda eki kólik júrgizýshisi arasyndaǵy daý tóbeleske ulasqan, dep habarlaıdy Dalanews.kz.

Kýágerlerdiń sózinshe, janjal kezinde er adamdardyń biri sómkesinen pyshaq alyp, qarsylasyna qaraı umtylǵan.

Oqıǵa ornynda bolǵan azamattar eki jaqty ajyratýǵa tyrysqan.

Qalalyq polısıa departamenti qazir oqıǵanyń mán-jaıyn anyqtap, qajetti saraptamalar júrgizip jatqanyn málimdedi.

Eske salaıyq, buǵan deıin Almatyda jolda janjal shyǵarǵan er adam qamaýǵa alynǵan edi.

Áleýmettik jelilerde jolda eki er adamnyń arasyndaǵy janjaldyń vıdeosy taraldy. Kadrda olardyń biriniń qolynda tapanshaǵa uqsas zat bolǵanyn kórýge bolady.

İİM málimetinshe, tekseris barysynda er adamnyń qolyndaǵy zat tapansha emes, sonyń pishinindegi ottyq ekeni anyqtalǵan.

"Er adam dereý ustalyp, onyń áreketteri usaq buzaqylyq retinde baǵalandy. Almaty qalasynyń mamandandyrylǵan ákimshilik sotynyń sheshimimen ol ákimshilik jaýapkershilikke tartylyp, 15 táýlikke qamaýǵa alyndy", - dedi polısıa.