Almatyda qoǵamdyq kóliktiń jolaqysyn kóterý josparlanyp otyr, - dep habarlaidy Dalanews.kz.
Almatyda qoǵamdyq kólikte jol júrý aqysy 20 teńgege kóterilýi múmkin. Qala ákimdiginiń qaýly jobasy qoǵammen talqylaný úshin "Ashyq NQA" jariialandy. Qalalyq mobildilik basqarmasy ókilderi 80 teńgelik tarif 2011 jyldan beri ózgermegenin jáne byltyr ǵana 20 teńgege óskenin aity. Qazir Almatyda qoǵamdyq kóliktegi tariftiń quny qolma-qol aqshasyz tásilmen tólegen kezde 100 teńge, al qolma-qol tólegen kezde 200 teńge.
Vedomstvo ókilderi biyl qoǵamdyq kólikte jol júrý úshin ortasha tarif 310 teńge, al keibir marshrýtta 400 teńgege jetetinin aitty. Osyǵan bailanysty jyl saiyn tasymaldaýshylarǵa tólenetin sýbsidiia mólsheri ósip jatyr. 2023 jyly 68,7 milliard teńge bólinse, 2024 jyly sýbsidiianyń boljamdy somasy 97,3 milliard teńgege deiin ósti. Osylaisha, qazirgi tarif boiynsha sýbsidiialaý mólsheri únemi ósip otyrady, bul jergilikti biýdjet úshin shamadan tys bolýy múmkin.
"Qala tasymaldaýshylary qoldanystaǵy tarif tasymaldaýshylardyń avtobýs satyp alýǵa, jańartýǵa jáne ýaqytyly qyzmet kórsetýge, sondai-aq, júrgizýshilerdiń jalaqysyn kóterýge jumsaǵan shyǵyndy ótemeitinin birneshe ret málimdedi. Tasymaldaýshylarǵa jáne jergilikti biýdjetke júktemeni ishinara azaitý maqsatynda qalalyq qatynastarda jolaýshylar men bagajdy avtomobilmen turaqty tasymaldaýǵa tarif belgileý týraly qala ákimdigi qaýlysynyń jobasy daiyndaldy. Joba jol júrý tarifin 120 teńgege deiin kóterýdi kózdeidi. Tiisinshe, azamattardyń jeńildetilgen sanattary úshin jol júrý quny tariftiń 50 paiyzy bolady", - dep jazylǵan basqarma habarlamasynda.
Sonymen qatar, qoǵamdyq kólikte jolaýshylardyń qaýipsizdigin qamtamasyz etý maqsatynda jol júrý aqysyn qolma-qol aqshamen tóleýdi joiý kózdelgen. Bul avtobýs júrgizýshisine kólik quralyn basqarýǵa jáne aqsha jinaýǵa alańdamaýǵa múmkindik beredi.
