Almatyda avtobýs júrgizýshisi qaitys boldy, dep habarlaidy Dalanews.kz.
"Almatyelektrotrans" JShS málimetinshe, oqiǵa №92 avtobýsta bolǵan. 25 qańtarda saǵat 14:35-te dispetcherlik qyzmetke №92 avtobýs júrgizýshisiniń densaýlyǵy kenet nasharlaǵany týraly habarlama túsken.
"Oqiǵa Abai dańǵyly men Saiyn kóshesi qiylysynda boldy. Jolaýshylardyń biri jedel áreket etip, júrgizýshiniń kabinasyna kirip, tejegishti basyp, qaýiptiń aldyn aldy", - dedi JShS ókilderi.
Jolaýshylar shuǵyl jedel járdem shaqyrǵan. Oqiǵa ornyna kelgen dárigerler júrgizýshi qaitys bolǵanyn anyqtaǵan. Aldyn ala diagnoz - miokard infarkti.
Oqiǵa ornyna Áýezov aýdany jol politsiiasy basqarmasynyń qyzmetkerleri kelgen.
"Avtobýsqa tehnikalyq zaqym kelmegen, jolaýshylar arasynda zardap shekkender joq", - dep jazylǵan habarlamada.
