Almatyda aýtizmi bar balalarǵa qatysty daýly pikir qaldyrǵan blogerge qylmystyq is qozǵaldy. Bul týraly qalalyq politsiia departamenti málimdedi, dep habarlaidy Dalanews.kz.
Vedomstvo málimetinshe, bloger áleýmettik jelidegi jazbalarynda óshpendilik týdyratyn pikir bildirgen. Osyǵan bailanysty Autism Kazakhstan kásipkerler qaýymdastyǵy Ishki ister ministrligi men Bas prokýratýraǵa shaǵym túsirgen.
"Atalǵan azamattyń jeke basy anyqtaldy. Qoldanystaǵy zańnamaǵa sáikes sharalar qabyldanady. Esterińizge salamyz, qorlaý, áleýmettik arazdyqty qozdyrýǵa baǵyttalǵan áreketter, sondai-aq zorlyq-zombylyq pen qatygezdikti nasihattaý qylmystyq jáne ákimshilik jaýapkershilikke ákep soǵady. Azamattardyń quqyqtaryn shekteitin nemese qylmysqa itermeleitin kez kelgen málimdeme – zańsyz", – dedi departament ókilderi.
Uiymnyń málimetinshe, bloger 23 tamyz kúni ońtústik astanadaǵy turǵyn úi keshenderiniń biriniń aýlasynda bolǵan oqiǵaǵa qatysty pikir bildirgen. Sol kúni 13 jastaǵy jasóspirim eki jasar balaǵa dene jaraqatyn salǵan. Qazirgi ýaqytta onyń psihiatriialyq diagnozy bar-joǵy belgisiz.
