Sinoptikter 13 jeltoqsan kúni Almaty qalasynda aýa sapasynyń nasharlaitynyn eskertti. Qolaisyz meteorologiialyq jaǵdailarǵa bailanysty qala turǵyndaryna demalys kúnin taza aýada uzaq ótkizýden bas tartý usynyldy, dep habarlaidy Dalanews.kz.
«Qazgidromet» taratqan málimetke sáikes, 2025 jyldyń 13 jeltoqsanynda megapoliste aýanyń lastanýyna ákeletin qolaisyz meteorologiialyq jaǵdailar qalyptasýy múmkin.
Mamandardyń túsindirýinshe, mundai jaǵdailar jeldiń bolmaýy nemese álsiz soǵýy, tuman men temperatýralyq inversiia saldarynan atmosferanyń tómengi qabatynda ziiandy zattardyń shoǵyrlanýymen sipattalady. Almatynyń geografiialyq ereksheligi men qys mezgilindegi jylý kózderinen bólinetin tútin bul qubylystyń jii qaitalanýyna áser etedi.
Osyǵan bailanysty sinoptikter turǵyndarǵa, ásirese sozylmaly tynys alý, júrek-qan tamyrlary jáne allergiialyq aýrýlary bar azamattarǵa saqtyq sharalaryn kúsheitýge keńes berdi. Atap aitqanda, dalada bolý ýaqytyn barynsha qysqartyp, kólik qozǵalysy kóp aimaqtardan aýlaq júrgen jón. Sonymen qatar, densaýlyǵynda kináraty bar adamdarǵa qajetti dári-dármekterin ózimen birge alyp júrý usynylady.
