Almatydaǵy Bas botanikalyq baq aýmaǵynda aqqýǵa qatygezdik tanytqan 1983 jylǵy azamat bir táýlik ishinde ustaldy. Bul týraly Almaty qalasynyń Bas botanikalyq baǵy málimdedi,- dep habarlaidy Dalanews.kz
Oqiǵa 2025 jylǵy 5 tamyzda bolǵan. Áleýmettik jelilerde er adamnyń aqqýdy moinynan ustap turǵan sáti túsirilgen video jariialanyp, qoǵam arasynda ádil narazylyq týdyrdy.
Politsiia jedel áreket etip, beinebaqylaý kameralary men baq qaýipsizdik qyzmetiniń derekteri arqyly quqyq buzýshyny anyqtap, ustady.
Búgin Almaty qalasynda ótken sot otyrysynyń qorytyndysy boiynsha er adam 7 táýlikke ákimshilik qamaýǵa alyndy.
«Bul – janýarlarǵa qatygezdik tanytqan, ádepsiz jáne orynsyz áreket jasaǵan adamdardyń jaýapkershilikke tartylatynynyń aiqyn mysaly. Bas Botanikalyq baq – erekshe qorǵalatyn tabiǵi aýmaq, onda janýarlar men ósimdikter qorǵaýǵa alynǵan. Olarǵa baǵyttalǵan kez kelgen agressiia nemese qurmetsizdikke jol berilmeidi», – delingen mekeme habarlamasynda.
Qazirgi tańda aqqýdyń jaǵdaiy jaqsy, ony ornitolog mamandar baqylaýda ustap otyr. Baq ákimshiligi aqqýly toǵan mańyna kelýshilerdiń jáne janýarlardyń qaýipsizdigi úshin shaǵyn qorshaý ornatýdy josparlap otyr.
