Kúdiktiler Almaty qalasy PD Uiymdasqan qylmysqa qarsy kúres basqarmasynyń qyzmetkerlerimen júrgizilgen arnaiy is-sharanyń nátijesinde anyqtaldy, dep habarlaidy Dalanews.kz.
"Arnaiy is-sharanyń negizgi kezeńin Almaty oblysynyń aýmaǵynda jedel qyzmetkerler men arnaiy jasaq júrgizdi. Ol jerde «Hiýndai» avtokóligi toqtatyldy, onyń ishin tintý barysynda 1 myń 212 dana kólemindegi 8 qap múiiz tabyldy jáne tárkilendi. Kúdiktiler PD-niń ýaqytsha ustaý izoliatoryna qamaldy. Sirek kezdesetin jáne quryp ketý qaýpi tóngen, sondai-aq tyiym salynǵan ósimdikter men janýarlar túrlerimen, olardyń bólikterimen nemese derivattarymen zańsyz ainalysý deregi boiynsha sotqa deiingi tergeý bastaldy", - dedi, Almaty qalalyq politsiia Departamenti bastyǵynyń orynbasary, politsiia polkovnigi Qýatbek Naýatov.
QR QK-niń 201 babyna sáikes ózge aqparat tergeý múddesine orai jariia etilmeidi.
