Almaty qalasy Ekologiia jáne qorshaǵan ortany qorǵaý departamentiniń basshysy Serik Ádilbaev buǵan deiingi úsh kezeń sáýir men tamyz ailary aralyǵynda júrgizilgenin aitqan bolatyn.
– Qaladaǵy aǵashtar men jasyl jelektiń jaǵdaiyn jaqsartyp, saqtap olardyń túrli ziiankesterge tózimdiligin arttyrý úshin 2,3 millionnan astam aǵashty biologiialyq óńdeýden ótkizýdi kózdep otyrmyz. Ziiankesterdiń biologiiasyna súiene otyryp, emdeý túnde jáne tańǵy ýaqytta júrgiziledi, – dedi Serik Ádilbaev.
Aǵymdaǵy jyldan bastap monofagty ziiankesterge barynsha áser etý úshin birinshi kezeńde (vegetatsiialyq kezeńniń basy) emen aǵashtaryn úsh ret, terekterge eki ret óńdeý júrgizilip keledi.
Aita ketý kerek, buryn ósimdikterdi biologiialyq qorǵaý vegetatsiialyq kezeńniń basynda bir ret qana júrgizilip kelgen edi. Alaida monofagtyq ziiankester úshin mundai óńdeý jiiligi jetkiliksiz, bul jasyl alqaptardyń jaǵdaiyna teris áser etetini jasyryn emes. Jumysta klimattyq faktorlardy eskerip, el aýmaǵynda qoldanýǵa ruqsat etilgen jáne adamdarǵa, qustar men janýarlarǵa ziiansyz sertifikattalǵan biologiialyq jáne keibir jaǵdailarda qaýiptiligi tómen klasty (R-4) himiialyq preparattar qoldanylady.
Quzyrly oryndar pýa raiy qolaily bolyp, jaýyn-shashyn bolmasa, tórtinshi kezeńdi 20 qyrkúiekte aiaqtaýdy josparlap otyr.
