الماتى قالاسى ەكولوگيا جانە قورشاعان ورتانى قورعاۋ دەپارتامەنتىنىڭ باسشىسى سەرىك ادىلبايەۆ بۇعان دەيىنگى ءۇش كەزەڭ ءساۋىر مەن تامىز ايلارى ارالىعىندا جۇرگىزىلگەنىن ايتقان بولاتىن.
– قالاداعى اعاشتار مەن جاسىل جەلەكتىڭ جاعدايىن جاقسارتىپ، ساقتاپ ولاردىڭ ءتۇرلى زيانكەستەرگە توزىمدىلىگىن ارتتىرۋ ءۇشىن 2،3 ميلليوننان استام اعاشتى بيولوگيالىق وڭدەۋدەن وتكىزۋدى كوزدەپ وتىرمىز. زيانكەستەردىڭ بيولوگياسىنا سۇيەنە وتىرىپ، ەمدەۋ تۇندە جانە تاڭعى ۋاقىتتا جۇرگىزىلەدى، – دەدى سەرىك ادىلبايەۆ.
اعىمداعى جىلدان باستاپ مونوفاگتى زيانكەستەرگە بارىنشا اسەر ەتۋ ءۇشىن ءبىرىنشى كەزەڭدە (ۆەگەتاسيالىق كەزەڭنىڭ باسى) ەمەن اعاشتارىن ءۇش رەت، تەرەكتەرگە ەكى رەت وڭدەۋ جۇرگىزىلىپ كەلەدى.
ايتا كەتۋ كەرەك، بۇرىن وسىمدىكتەردى بيولوگيالىق قورعاۋ ۆەگەتاسيالىق كەزەڭنىڭ باسىندا ءبىر رەت قانا جۇرگىزىلىپ كەلگەن ەدى. الايدا مونوفاگتىق زيانكەستەر ءۇشىن مۇنداي وڭدەۋ جيىلىگى جەتكىلىكسىز، بۇل جاسىل القاپتاردىڭ جاعدايىنا تەرىس اسەر ەتەتىنى جاسىرىن ەمەس. جۇمىستا كليماتتىق فاكتورلاردى ەسكەرىپ، ەل اۋماعىندا قولدانۋعا رۇقسات ەتىلگەن جانە ادامدارعا، قۇستار مەن جانۋارلارعا زيانسىز سەرتيفيكاتتالعان بيولوگيالىق جانە كەيبىر جاعدايلاردا قاۋىپتىلىگى تومەن كلاستى (ر-4) حيميالىق پرەپاراتتار قولدانىلادى.
قۇزىرلى ورىندار پۋا رايى قولايلى بولىپ، جاۋىن-شاشىن بولماسا، ءتورتىنشى كەزەڭدى 20 قىركۇيەكتە اياقتاۋدى جوسپارلاپ وتىر.
