Seismologiialyq baqylaý jáne zertteý ulttyq ǵylymi ortalyǵynyń direktorynyń ǵylym jónindegi orynbasary Elizaveta Esenjigitova Qazqstanda 12 baldyq jer silkinisi bolýy múmkin degen qaýesetterge jaýap berdi, - dep habarlaidy Dalanews.kz.
Elizaveta Esenjigitovanyń sózinshe, Almaty - eń qaýipti aimaq.
"12 ball emes, 9-10 ball jer silkinisi bolýy múmkin degen zertteý nátijesi bar.
Sebebi Almaty qalasynda buryn da iri jer silkinisteri bolǵan. Almaty ol kezde Vernyi dep atalǵan. Búkil qala qirap, adam shyǵyny boldy. Magnitýdasy 7,2 boldy. 1911 jyly Qyrǵyzstanmen shekarada magnitýdasy 8,2 Kemen jer silkinisi bolyp, katastrofalyq jer silkinisine jatqyzyldy. Sol kezderi Almaty qalasy túgel qiraǵan", - deidi Elizaveta Esenjigitova "Jetisý" telearnasyna bergen suhbatynda.
Onyń sózinshe, zertteýlerge sáikes, osy jer silkinisiniń oshaqtary qandai da bir ýaqyt aralyǵynda qaitalaný múmkindigi bar degen boljam bar.
"Biraq sońǵy kezderi ártúrli ǵalymdar qaitalaný aralyǵy 100-120 jyl deidi. Keibir elderde 150 jylda qaitalaný aralyǵy bar", - deidi spiker.
Aita keteiik, 4 naýryzda Almatyda 5 baldyq jer silkinisi bolǵan edi.
