Almaty qalasynda politsiia jol-kólik oqiǵalarynyń aldyn alý jáne jol qaýipsizdigin qamtamasyz etý maqsatynda júieli túrde reidtik jáne profilaktikalyq sharalar júrgizip keledi, dep habarlaidy Dalanews.kz.
Qalalyq politsiia departamentiniń málimetinshe, jyl basynan beri joldarda alkogoldik nemese esirtkilik masań kúide kólik basqarǵan 700-ge jýyq júrgizýshi anyqtalyp, der kezinde kólik tizgininen shettetilgen. Mamandardyń aitýynsha, mundai árbir derek – bolýy múmkin qaiǵyly oqiǵanyń aldyn alý.
Sonymen qatar "Stop–quqyqbuzýshylyq" jedel-profilaktikalyq is-sharasy aiasynda 15 mas júrgizýshi anyqtalyp, olardyń áreketiniń saldarynan týyndaýy múmkin jol apattarynyń joly kesilgen.
Jalpy atalǵan is-shara barysynda 4 828 jol qozǵalysy erejesin buzý deregi tirkelgen. Onyń ishinde qarsy baǵytqa shyǵýdyń 15 faktisi, jalǵan memlekettik nómir qoldanýdyń 8 deregi jáne ózge de quqyqbuzýshylyqtar bar.
Politsiia ókilderi jol qaýipsizdigine beijai qaramaýǵa shaqyryp, mas kúide kólik júrgizýdiń aýyr saldarǵa ákelýi múmkin ekenin eskertti.
