الماتى قالاسىندا پوليسيا جول-كولىك وقيعالارىنىڭ الدىن الۋ جانە جول قاۋىپسىزدىگىن قامتاماسىز ەتۋ ماقساتىندا جۇيەلى تۇردە رەيدتىك جانە پروفيلاكتيكالىق شارالار جۇرگىزىپ كەلەدى، دەپ حابارلايدى Dalanews.kz.

قالالىق پوليسيا دەپارتامەنتىنىڭ مالىمەتىنشە، جىل باسىنان بەرى جولداردا الكوگولدىك نەمەسە ەسىرتكىلىك ماساڭ كۇيدە كولىك باسقارعان 700-گە جۋىق جۇرگىزۋشى انىقتالىپ، دەر كەزىندە كولىك تىزگىنىنەن شەتتەتىلگەن. مامانداردىڭ ايتۋىنشا، مۇنداي ءاربىر دەرەك – بولۋى مۇمكىن قايعىلى وقيعانىڭ الدىن الۋ.

سونىمەن قاتار "ستوپ–قۇقىقبۇزۋشىلىق" جەدەل-پروفيلاكتيكالىق ءىس-شاراسى اياسىندا 15 ماس جۇرگىزۋشى انىقتالىپ، ولاردىڭ ارەكەتىنىڭ سالدارىنان تۋىنداۋى مۇمكىن جول اپاتتارىنىڭ جولى كەسىلگەن.

جالپى اتالعان ءىس-شارا بارىسىندا 4 828 جول قوزعالىسى ەرەجەسىن بۇزۋ دەرەگى تىركەلگەن. ونىڭ ىشىندە قارسى باعىتقا شىعۋدىڭ 15 فاكتىسى، جالعان مەملەكەتتىك ءنومىر قولدانۋدىڭ 8 دەرەگى جانە وزگە دە قۇقىقبۇزۋشىلىقتار بار.

پوليسيا وكىلدەرى جول قاۋىپسىزدىگىنە بەيجاي قاراماۋعا شاقىرىپ، ماس كۇيدە كولىك جۇرگىزۋدىڭ اۋىر سالدارعا اكەلۋى مۇمكىن ەكەنىن ەسكەرتتى.