Almaty ákimdigi 2023 jyly jan basyna shaqqandaǵy qarjylandyrý baǵdarlamasyn iske asyrý úshin 65 739 vaýcherge eseptelgen 16,2 mlrd teńge bóldi. Onyń 30 495 – sport sektsiialaryna, 35 244 – shyǵarmashylyq úiirmelerge arnalǵan.
Bul eldegi qalalar men oblystar arasynda balalardyń tegin sektsiialar men úiirmelerge barýyna bólingen biýdjet qarjysynyń eń kóp bóligi.
Aitalyq, Astana qalasynda 6,5 mlrd teńge, Shymkent qalasynda 5,7 mlrd teńge, Qyzylorda oblysynda 4,3 mlrd teńge bólingen.
Ata-analardyń derekterin elektrondyq tsifrlyq qoltańba ("Elektrondyq qujattar jáne elektrondyq tsifrlyq qoltańba týraly" Qazaqstan Respýblikasy Zańynyń 1-babynyń 12) tarmaqshasy) arqyly rastaýǵa, sonymen qatar, memlekettik derekqorlarmen integratsiialaýǵa bailanysty DamuBala jańa platformasyna kóshý kezinde 22 781 oryn bosady.
Ótken jyldan beri belsendi vaýcherler sany 42 958, bosaǵan vaýcherler sany 22 781, beriletin vaýcherlerdiń jalpy sany 65 739 jetti.
QR Mádeniet jáne sport ministriniń 2021 jylǵy 28 sáýirdegi №120 jáne 122 buiryǵymen bekitilgen balalar men jasóspirimderge arnalǵan memlekettik shyǵarmashylyq jáne sporttyq tapsyrystardy ornalastyrý jáne olardyń jumys isteýi qaǵidalarynyń 3-tarmaǵynyń 2) tarmaqshasyna sáikes, osy jyldyń 3 jáne 10 mamyrynda bosatylǵan 22 781 oryndy bólý maqsatynda balalar men jasóspirimderge arnalǵan memlekettik shyǵarmashylyq DamuVala onlain platformasyna kezekke tirkeý aiaqtaldy. Sonyń nátijesinde 55 889 ótinimniń kezegi túzildi, qazirdiń ózinde belsendi 42 958 vaýcher bar.
12 mamyrda 22 781 tegin vaýcher berý rásimi bastaldy. "Mádeniet týraly" Qazaqstan Respýblikasy Zańynyń 8-babynyń 14-4) tarmaqshasyna jáne "Dene shynyqtyrý týraly" Qazaqstan Respýblikasy Zańynyń 8-babynyń 20-7) tarmaqshasyna sáikes, vaýcherler bekitilgen qarjylandyrý kólemi sheginde beriledi.
Vaýcher berilgen soń kezektegi úmitkerlerdiń sany 33 108 bolatyndyqtan, bul Qazaqstan Respýblikasy Mádeniet jáne sport ministriniń 2021 jylǵy 28 sáýirdegi №120 jáne 122 buiryǵymen bekitilgen balalar men jasóspirimderge arnalǵan memlekettik shyǵarmashylyq jáne sporttyq tapsyrystardy ornalastyrý jáne olardyń jumys isteýi qaǵidalarynyń 3-tarmaǵynyń 2) tarmaqshasyn basshylyqqa ala otyryp, 13 mamyr kúni, saǵat 00:00-de biýdjette kózdelgen qarajat kóleminen edáýir asyp túsedi, DamuBala onlain platformasynda kezekke qoiý aiaqtaldy.
Aldaǵy ýaqytta kezekte turǵandar arasynda shyǵarmashylyq úiirmeler men sport sektsiialaryna oryn bólý oryn bosaǵan saiyn jalǵasady. Bul týraly ýaqytyly habarlanady.
Anyqtama úshin aqparat:
Myna sebepterge bailanysty oryndar bosatylady: basqa qalaǵa kóshý, balany úiirmeden nemese sektsiiadan shyǵarý, vaýcherden bas tartý, balanyń aýyrýyna bailanysty qatyspaýy jáne t.b.
Aita keteiik, vaýcherdi alǵan ata-analar ol iske qosylǵansha balalary sektsiiaǵa nemese úiirmege 10 kún ishinde eki ret tegin barýǵa quqyly. Bul ereje Qazaqstan Respýblikasy Mádeniet jáne sport ministriniń 2021 jylǵy 28 sáýirdegi №122 jáne 2022 jylǵy 27 sáýirdegi №120 buiryǵymen bekitilgen.
Normativtik quqyqtyq aktilerge sáikes, osy 10 kún ishinde úiirme basshylarymen qyzmet kórsetý týraly shartqa qol qoiyp, vaýcherdi iske qosý úshin qujattardy tolyq usynýyńyz qajet. Oǵan myna qujattar jatady:
1) erkin úlgide sport sektsiiasyna/shyǵarmashylyq úiirmege qabyldanýǵa ótinish;
2) balanyń sýreti;
3) balanyń týý týraly kýáliginiń kóshirmesi;
4) 027/ý úlgidegi meditsinalyq anyqtama;
5) balanyń zańdy ókiliniń jeke basyn kýálandyratyn qujattyń kóshirmesi.
