Almatyda "Taza Qazaqstan" baǵdarlamasy jáne jańa kóriktendirý erejesi aiasynda qalalyqnysandardy tólqujattaý bastaldy, dep habarlaidy Dalanews.kz.
Tólqujattaýdyń negizgi mindeti – kásipkerlergeirgeles aýmaqtardy kóriktendirý boiynsha jaýapkershilik shegin anyqtaý. Almatynyń kommýnaldyq infraqurylymdy damytý basqarmasynyń málimetinshe, barlyǵy 5 590 kásipkerlik nysandy tólqujattaý qajet. Qazir myńǵa jýyq kásipker tólqujatqa qol qoidy. Tólqujattaý jumystary kelesi jyldyń sáýir aiynda aiaqtalady.
Árbir biznes sýbektisi kóriktendirý tólqujatyn alýǵa jáne irgeles aýmaqty tiisti jaǵdaida ustaýǵa mindetti. Bul menshik nysanyna qaramastan barlyq qatysýshy úshin jaýapkershilik júkteidi.
Aýmaqqa jaýapty sýbektilerge jeke jáne zańdy tulǵalar, PIK, MIB, QS, sondai-aq ǵimarattardyń menshik ieleri jáne jerdi ýaqytsha nemese turaqty paidalaný quqyǵy bar tulǵalar jatady.
Tólqujat kásipkerlerdiń irgeles aýmaqtardyjáne nysandardyń qasbetin tiisti jaǵdaida ustaý máselesindegi áleýmettik jaýapkershilikti arttyrady.
Ǵimarattardyń jáne qurylystardyń ieleri qasbetterdiń ýaqtyly jóndelýi men syrlanýyna, olardyń tiisti kútip ustaý men paidalanylýyn qamtamasyz etýge mindetti Sondai-aq qasbetterdegi eskertkish taqtalardy, kóshe kórsetkishterin (tuiyq kósheler men alańdardy qosqanda), nómirlik belgilerdi, mańdaishalardy jáne aqparattyq taqtalardy taza ári jaramdy jaǵdaida ustaýǵa tiis.
Taǵy bir mańyzdy nárse – qys kezinde ǵimarattar men qurylystardyń ieleri qar men muzdy shatyrdan tazartý jumystary bastalǵanǵa deiin turǵyn jáne turǵyn emes ǵimarattardyń ielerin 24 saǵat buryn habardar etýge mindetti.
Saýda uiymdarynan kommýnaldyq qaldyqtyatalǵan nysandardyń menshik iesi nemese QR zańnamasyna sáikes, qaldyq shyǵarý qyzmetimen ainalysatyn uiymmen jasalǵan shart negizinde shyǵarylady.
Jóndeý jumystary kezinde paida bolǵan qaldyqtardy arnaiy belgilengen oryndarǵa sol jumysty júrgizgen tulǵalar ózderi shyǵarady. Jóndeý kezinde shyqqan qaldyqtardy ýaqytsha qaldyq saqtaý oryndaryna nemese konteiner alańdaryna tastaýǵa tyiym salynady.
Eger qaldyq óndirgen adam óziniń jer teliminde ne ǵimaratynda jaldaý nemese basqa kelisim negizinde óz betimen qaldyqtardy jinamasa, shyǵarmasa jáne kádege jaratpasa, bul mindetter atalǵan jyljymaityn múlik nysandarynyń ielerine júkteledi.
Aýmaqtan tys jerlerge qoqys pen turmystyq qaldyqtardy tógýge jáne óndiris qaldyqtaryn kóshege shyǵarýǵa tyiym salynady.
"Almaty Business Development Company"Almaty qalasynyń biznesti damytý kompaniiasy" JShS Almaty qalasynda investitsiialar tartý jáne investorlardy súiemeldeý salasyndaǵy óńirlik uiym bolyp tabylady. Qoldanystaǵy zańnamaǵa sáikes Kompaniia "bir tereze"qaǵidatyboiynsha Almaty qalasynda investitsiialar tartý jáne investorlardy súiemeldeý salasyndaǵy qyzmetti júzege asyrady. Kompaniia qala ekonomikasynyń basym salalaryna investitsiialar tartady, qarjylandyrýdyń memlekettik jáne óńirlik baǵdarlamalary boiynsha konsýltatsiialar beredi, sondai-aq investitsiialyq jobalardy keshendi súiemeldeýdi júzege asyrady.
