الماتىدا "تازا قازاقستان" باعدارلاماسى جانە جاڭا كورىكتەندىرۋ ەرەجەسءى اياسىندا قالالىقنىسانداردى ءتولقۇجاتتاۋ باستالدى، دەپ حابارلايدى Dalanews.kz.
ءتولقۇجاتتاۋدىڭ نەگىزگى مىندەتى – كاسىپكەرلەرگەىرگەلەس اۋماقتاردى كورىكتەندىرۋ بويىنشا جاۋاپكەرشىلىك شەگىن انىقتاۋ. الماتىنىڭ كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنشە، بارلىعى 5 590 كاسىپكەرلىك نىساندى ءتولقۇجاتتاۋ قاجەت. ءقازىر مىڭعا جۋىق كاسىپكەر ءتولقۇجاتقا قول قويدى. ءتولقۇجاتتاۋ جۇمىستارى كەلەسى جىلدىڭ ءساۋىر ايىندا اياقتالادى.
ءاربىر بيزنەس سۋبەكتىسى كورىكتەندىرۋ ءتولقۇجاتىن الۋعا جانە ىرگەلەس اۋماقتى ءتيىستى جاعدايدا ۇستاۋعا مىندەتتى. بۇل مەنشىك نىسانىنا قاراماستان بارلىق قاتىسۋشى ءۇشىن جاۋاپكەرشىلىك جۇكتەيدى.
اۋماققا جاۋاپتى سۋبەكتىلەرگە جەكە جانە زاڭدى تۇلعالار، پيك، ميب، قس، سونداي-اق عيماراتتاردىڭ مەنشىك يەلەرى جانە جەردى ۋاقىتشا نەمەسە تۇراقتى پايدالانۋ قۇقىعى بار تۇلعالار جاتادى.
ءتولقۇجات كاسىپكەرلەردىڭ ىرگەلەس اۋماقتاردىجانە نىسانداردىڭ قاسبەتىن ءتيىستى جاعدايدا ۇستاۋ ماسەلەسىندەگى الەۋمەتتىك جاۋاپكەرشىلىكتى ارتتىرادى.
عيماراتتاردىڭ جانە قۇرىلىستاردىڭ يەلەرى قاسبەتتەردىڭ ۋاقتىلى جوندەلۋى مەن سىرلانۋىنا، ولاردىڭ ءتيىستى كۇتىپ ۇستاۋ مەن پايدالانىلۋىن قامتاماسىز ەتۋگە مىندەتتى سونداي-اق قاسبەتتەردەگى ەسكەرتكىش تاقتالاردى، كوشە كورسەتكىشتەرىن (تۇيىق كوشەلەر مەن الاڭداردى قوسقاندا)، نومىرلىك بەلگىلەردى، ماڭدايشالاردى جانە اقپاراتتىق تاقتالاردى تازا ءارى جارامدى جاعدايدا ۇستاۋعا ءتيىس.
تاعى ءبىر ماڭىزدى نارسە – قىس كەزىندە عيماراتتار مەن قۇرىلىستاردىڭ يەلەرى قار مەن مۇزدى شاتىردان تازارتۋ جۇمىستارى باستالعانعا دەيىن تۇرعىن جانە تۇرعىن ەمەس عيماراتتاردىڭ يەلەرىن 24 ساعات بۇرىن حاباردار ەتۋگە مىندەتتى.
ساۋدا ۇيىمدارىنان كوممۋنالدىق قالدىقتىاتالعان نىسانداردىڭ مەنشىك يەسءى نەمەسە ق ر زاڭناماسىنا سايكەس، قالدىق شىعارۋ قىزمەتىمەن اينالىساتىن ۇيىممەن جاسالعان شارت نەگىزىندە شىعارىلادى.
جوندەۋ جۇمىستارى كەزىندە پايدا بولعان قالدىقتاردى ارنايى بەلگىلەنگەن ورىندارعا سول جۇمىستى جۇرگىزگەن تۇلعالار وزدەرى شىعارادى. جوندەۋ كەزىندە شىققان قالدىقتاردى ۋاقىتشا قالدىق ساقتاۋ ورىندارىنا نەمەسە كونتەينەر الاڭدارىنا تاستاۋعا تىيىم سالىنادى.
ەگەر قالدىق ءوندىرگەن ادام ءوزىنىڭ جەر تەلىمىندە نە عيماراتىندا جالداۋ نەمەسە باسقا كەلىسىم نەگىزىندە ءوز بەتىمەن قالدىقتاردى جيناماسا، شىعارماسا جانە كادەگە جاراتپاسا، بۇل مىندەتتەر اتالعان جىلجىمايتىن مۇلىك نىساندارىنىڭ يەلەرىنە جۇكتەلەدى.
اۋماقتان تىس جەرلەرگە قوقىس پەن تۇرمىستىق قالدىقتاردى توگۋگە جانە ءوندىرىس قالدىقتارىن كوشەگە شىعارۋعا تىيىم سالىنادى.
"Almaty Business Development Company"الماتى قالاسىنىڭ بيزنەستى دامىتۋ كومپانياسى" ج ش س الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى وڭىرلىك ۇيىم بولىپ تابىلادى. قولدانىستاعى زاڭناماعا سايكەس كومپانيا "ءبىر تەرەزە"قاعيداتىبويىنشا الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى قىزمەتتى جۇزەگە اسىرادى. كومپانيا قالا ەكونوميكاسىنىڭ باسىم سالالارىنا ينۆەستيسيالار تارتادى، قارجىلاندىرۋدىڭ مەملەكەتتىك جانە وڭىرلىك باعدارلامالارى بويىنشا كونسۋلتاسيالار بەرەدى، سونداي-اق ينۆەستيسيالىق جوبالاردى كەشەندى سۇيەمەلدەۋدى جۇزەگە اسىرادى.
