Almatyda shaǵyn jáne orta bızneske túsetin salyq júktemesi azaıady. Bul týraly “Ýchót” kompanıasynyń negizin qalaýshy Maksım Baryshev málimdedi, dep habarlaıdy Dalanews.kz.

Ol jeńildetilgen salyq mólsherlemesiniń tómendeýin kásipkerlerge jasalǵan naqty qoldaý dep baǵalady.

“Almatyda “jeńildetilgen” salyq mólsherlemesi 3% bolady! Shaǵyn bıznesti qoldaǵany úshin ákim Darhan Satybaldyǵa jáne Respublica partıasyna alǵys aıtamyn. Bul – kásipkerlerge jasalǵan naqty qadam. Almaty taǵy da úlgi kórsetip otyr. Basqa óńirlerge de úndeý jasaımyn – úlgi alyńyzdar! Jeńildetilgen salyq mólsherlemesin 2–3%-ǵa deıin tómendetińizder”, – dedi ol.

Aıta keteıik,qala ákimi Darhan Satybaldy 2026 jyldan bastap jeńildetilgen salyq mólsherlemesin 4%-dan 3%-ǵa deıin tómendetý týraly sheshimdi maquldady. Qujat osy aıdyń sońynda ótetin qalalyq máslıhat sesıasynda bekitilip, kúshine enýi tıis.