Almatyda 2 million 188 myń adamnan saýalnama alynǵan
Aidar Ábildábekov atap ótkendei, 2021 jylǵy Ulttyq sanaqtyń negizgi kezeńi Qazaqstanda 1 qyrkúiekten 30 qazanǵa deiin ótýde. Ádisteme boiynsha 8 qarashaǵa deiin taǵy bir ret tekserý, aralap shyǵý qarastyrylǵan. Sanaq urany: «Qazaqstanda árbir adam mańyzdy!».
– Búginde sanaq boiynsha halyqty keńinen qamtý Almaty qalasynda tirkelgen. Sanaqtan ótken turǵyndardy tirkeý boiynsha bizdiń qala óńirler arasynda birinshi orynda. 2 188 603 respondent suraldy, bul 109,1%-dy quraidy, – dep habarlady Aidar Ábildabekov.
QR Ulttyq statistika biýrosy saitynyń deregi boiynsha aǵymdaǵy jyldyń 1 tamyzy boiynsha megapoliste 2 005 496 adam turaqty turǵan. Onlain-sanaq pen pikirterimniń aralyq qorytyndysy boiynsha interviýerler qazirgi ýaqytta Almaty halqynyń sany artqanyn kórsetti.
– Sanaq el halqynyń naqty sanyn, onyń quramy men ómir súrý jaǵdailary týraly aqparatty bilýge múmkindik beredi. Olardy taldaý nátijeleri boiynsha «halyqtyń sapasy» týraly aitýǵa bolady. Sanaqtyń negizgi máni – ár adam eskerilýi kerek. Ómirlik sheshimder osyǵan bailanysty. Mysaly, jańa emhanalardy, mektepterdi qaida ashý kerek, kólik infraqurylymy máselesi sheshiledi. Demografiialyq statistikany kommertsiialyq kompaniialar da paidalanady, – dedi spiker.
Aidar Ábildabekov 15 qazandaǵy onlain-sanaq aiaqtalǵan sátten bastap turǵyndardan onlain-saýalnama fýnktsiiasyn jańartý týraly kóptegen ótinishter túse bastaǵanyn atap ótti. Osyǵan bailanysty saitta onlain-rejimde 21 qazannan bastap sanaq.gov.kz platformasynyń sanaq júrgizý fýnktsiiasyn jańartý týraly sheshim qabyldandy. Saýalnamany burynǵydai mamandandyrylǵan sanaq.gov.kz saitynda toltyrýǵa bolady. Ol e-Gov portaly jáne Aitu mobildi qosymshasy arqyly avtorizatsiialandy. Onlain ótý fýnktsiiasy halyq sanaǵynyń sońyna deiin qoljetimdi bolady.
– Qala 327 nusqaýshylyq jáne 2 287 eseptik ýchaskege bólingen. Árbir esep ýchaskesi bir interviýerge bekitilgen. Turǵyndardy tek onlain-sanaqpen qamtý boiynsha Áýezov aýdany kósh bastap tur – 41,79%. Al, Bostandyq aýdanynda onlain-sanaqpen qamtý deńgeii óte tómen – 24,09%. Ekinshi format – oflain-sanaq boiynsha óz aýdandarynyń 80%-dan astamyn qamtyǵan Naýryzbai, Jetisý, Alataý, Túrksib aýdandary kósh bastap tur, – dep habarlady Aidar Ábildabekov.
Qalanyń barlyq aýdandary qazirgi halyq sanynan asyp tústi. Sonymen birge, suhbat alýshylar áli de megapolis turǵyndaryn qaita jazýdy jalǵastyrýda.
QR Ulttyq statistika biýrosynyń Almaty qalasy boiynsha departamentiniń basshysy qala turǵyndaryna belsendilik tanytqandary úshin alǵys aityp, sanaqtan ótpegen adamdardy onjyldyqtyń asa mańyzdy is-sharasyna qatysýǵa shaqyrdy.
– Eger úiińizge sanaq júrgizýshi kele almasa, onda siz onlain-formatta sanaqtan óte alasyz nemese «1446» Call-ortalyǵyna qońyraý shalyp, ózińizge interviýerdi shaqyra alasyz. Halyq sanaǵynad ár adam qamtylsa, sátti dep sanalady. Bul bizdiń elimizdiń barlyq turǵyndaryn qamtyǵanymyzdy bildiredi, – dedi A. Ábildabekov.
Aita keterligi, alynǵan aqparat óńdelgen soń uzaq merzimdi biýdjettik josparlaýdyń negizine ainalady.Ulttyq halyq sanaǵyna qatysatyn árbir azamat memlekettiń áleýmettik baǵdarlamalaryn josparlaýǵa jáne ázirleýge eleýli jáne zor úles qosatyn bolady.
