Almatyda tazalyq aptalyǵynda kóshelerden 10 myń tekshe metrden astam qoqys shyǵaryldy, dep habarlaidy Dalanews.kz.
Almatyda 25-30 qarasha aralyǵynda «Taza Qazaqstan» jalpy respýblikalyq baǵdarlamasy jáne «Almaty – bizdiń ortaq úiimiz» qalalyq naýqany aiasynda kúzgi jáne qysqy maýsymnyń aiaqtalýyna orailastyrylǵan aýqymdy tazalaý jumystary júrgizildi.
Kóshe-jol jelisi, qoǵamdyq oryndar, ózen arnalary, kóshe ýrnalary jáne aryq jelisi qamtyldy.
Tazalyq aptalyǵy aiasynda qalalyq kommýnaldyq qyzmetter qalany sýyqqa jáne qarǵa daiyndaýdy aiaqtady. Qysqy kezeńde qalaǵa qyzmet kórsetý úshin 841 birlik tehnika men 1 400 jol jumysshysy tartylatyn bolady. Jumystardy tiimdi júrgizý úshin «Almaty tazalyq» MKK avtoparki 32 zamanaýi mashinamen tolyqtyryldy. Sanitarlyq tazalaý jalpy aýdany 25,1 mln sharshy metr 2 777 km 2 318 kósheni qamtidy.
Kún saiyn 80 birlik tehnika men 320 jumysshy aryq jelisinen shamamen 160 tekshe metr smetany, lai men qoqysty shyǵarady. Shyǵaryndylar negizinen plastikten jáne japyraqtardan turady.
«Eco Almaty» JShS ál-Farabi dańǵylynan Sátbaev kóshesine deiingi ýchaskede Úlken Almaty ózenderiniń arnalaryn; ál-Farabi dańǵylynan Shevchenko kóshesine deiingi ýchaskede Esentai, sondai-aq Almaty qalasynyń sheginde uzyndyǵy 19,2 km D. Qonaev atyndaǵy ÚAK tazartty.
Budan basqa, «Taza Qazaqstan» tujyrymdamasyna sáikes ázirlengen jańa erejeler aiasynda búginde 2 myńǵa jýyq kásipker abattandyrý pasporttaryna qol qoidy. Bul sharalar almatylyqtar men qala qonaqtary úshin qolaily, qaýipsiz jáne ekologiialyq jaǵdai jasaý strategiiasynyń bir bóligi.
Jalpy, búginde 10 493,5 tekshe metr qoqys, onyń ishinde 4 408 tekshe metr japyraqtar jinaldy.
Gúlzarlarda, saiabaqtarda jáne basqa da qoǵamdyq oryndarda tártip ornatý jónindegi is-sharalarǵa belgili mádeniet qairatkerleri, sportshylar, jastar jáne belsendi qala turǵyndary qatysty.
