Almaty qalasy ákimi Erbolat Dosaev jumys sapary barysynda qalanyń Áýezov aýdanyndaǵy jer ústindegi bes jaiaý júrginshiler ótkeliniń birine kúrdeli jóndeýdiń júrgizilýimen tanysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Saiyn kóshesi men Raiymbek dańǵylynyń ótkelderi 10 jyldan astam ýaqyt buryn salynǵan jáne sodan beri jóndelmegen. Búgingi kúni olarda kóterý mehanizmderi men liftiler jumys istemeidi.
Joba aiasynda ótkelderde qysta da úzdiksiz jumys isteitin ári aiazǵa tózimdi tik kótergishterdi ornatý josparlanýda. Jaryqtandyrý baǵanalary men shamdardy aýystyrý júzege asyrylady, aǵyzý qubyrlary aýystyrylady jáne jaiaý júrginshiler ótkelderin sáýlettik jaryqtandyrý uiymdastyrylady. Jumysty jazdyń sońyna deiin aiaqtaý josparlanýda.
Qala ákimi Onay kólik kartasy arqyly azamattardyń jekelegen sanattarynyń liftilerdi paidalaný múmkindigin qamtamasyz etýdi tapsyrdy. Sondai-aq, megapolis basshysynyń tapsyrmasy boiynsha úlgilik joba ázirlenetin bolady, onda mundai ótkelderdi jóndeýge qoiylatyn biryńǵai talaptar kórsetiledi.
