Almaty innovatsiiaǵa qulash urǵan qala
Forýmǵa Almaty qalasynyń ákimi Baýyrjan Baibek, «Baiterek» UBH» AQ basqarma tóraǵasy Erbolat Dosaev, «Kazkommertsbank» AQ Direktorlar keńesiniń tóraǵasy Keńes Raqyshev, sondai-aq, Resei, Izrail, Ońtústik Koreia, AQSh, Meksika, Germaniia jáne basqa da elderden kelgen sarapshylar, biznes qaýymdastyq, memlekettik organ ókilderi, startap jasaýshylar jáne bolashaqty boljaityn fýtýrologtar qatysty.
Óziniń kirispe sózinde B. Baibek qazaqstandyq ónertapqyshtardyń 84 paiyzy Almatyda turatyndyǵyn atap ótti.
– Búgingi tańda 10 almatylyqtyń altaýy shaǵyn jáne orta biznes salasynda jumys isteidi. 2015 jyldyń qorytyndysy boiynsha Jalpy óńirlik ónimniń somasy 39 mlrd dollardan asty. Mysaly, Almaty qalasynyń Jalpy óńirlik ónimi Serbiianyń Jalpy óńirlik óniminen joǵary, sondai-aq, Mońǵoliianyń JÓÓ-nen 3,5 ese, Qyrǵyzstannyń JJÓ-nen 6 ese joǵary. Qazir Almatyda 1,7 mln adam tirkelgen. Biraq, bizdiń derek boiynsha olardyń qataryna taǵy 500 myń adamdy qosýǵa bolady. Al Almatyǵa irgeles eldimekenderde, iaǵni aglomeratsiiada - 3 mln adam turady. Almatylyqtardyń ómir súrý deńgeii orta eseppen elimizdiń basqa óńirlerinen - 2,2 esege joǵary. Qalanyń damýyna ásirese kásipkerler qomaqty úles qosýda, – dedi qala basshysy.
Sonymen qatar, B. Baibek, búginde Almatyny servistik qaladan innovatsiialyq smart-sitige ainaldyrý jaǵyna basymdyq berilip jatqandyǵyn jetkizdi.
«Álemde kóptegen qalalar osy smart-siti dárejesine kóterilip jatyr. Biz, de osy dárejege jetý úshin júieli turǵyda áreket jasap jatyrmyz. Bul úshin Almatyda innovatsiialyq kapital men adam kapitaly bar», – dedi B. Baibek.
Ákimniń aitýynsha, qalanyń áleýeti áli de jetkilikti deńgeide qoldanylmai keledi.
«Bul jerde qalanyń innovatsiialyq áleýeti pen innovatsiialyq ortasyn damytý – Almatyny innovatsiia jáne tehnologiia ortalyǵyna ainaldyrýda mańyzdy strategiia bolyp tabylady. Basty mindet - innovatsiialyq ekologiialyq júieni qurý. Qala, innovatsiialyq qalaǵa ainalýy úshin kapital men ideialar qajet. Al olar bizde bar. Endi bul iske jańashyl azamattar men myqty kompaniialardy tartýymyz qajet», – dedi ákim.
Almaty biýdjetiniń 75 paiyzǵa jýyǵy qalaǵa jańadan qosylǵan eldimekenderdiń damýyna jumsalýda.
– Almaty - Niý-Iork, Kopengagen nemese Ystambul qalalary siiaqty bolýǵa umtylmaidy. Almaty Ile Alataýynyń bókterinde ornalasqan biregei qala. Almaty - álemdegi bes týristik ortalyqtardyń biri. Biraq, bizde problemalar jetkilikti. Biz qazir olardy sheshýge kúsh salyp jatyrmyz, – dedi ákim.
Sonymen qatar, B. Baibek búginde qalada shaǵyn jáne orta biznesti damytýǵa barlyq jaǵdaidyń jasalyp jatqandyǵyn atap ótti. Almaty qalasy biýdjetiniń 75 paiyzǵa jýyǵy qalaǵa jańadan qosylǵan eldimekenderdiń damýyna jumsalýda.
– Qazir biz biýrokratiialyq kedergilerdi azaitýǵa kúsh salyp jatyrmyz. Bul jerde jańa zamanaýi tehnologiialar qoldanylýda. Árine, turǵyndardyń mentalitetin ózgertý kerek. Bul jerde turǵyndar úshin ómir súrýge qolaily jaǵdai jasaý jáne qaýipsizdikti qamtamasyz etý - óte mańyzdy, – dedi qala basshysy.
«Baiterek» Ulttyq basqarýshy holdingi» AQ basqarma tóraǵasy Erbolat Dosaev Almatyda kólik infraqurylymyn damytyp, ekologiia máselesin sheshý qajettigin málimdedi.
– Biz tehnologiialyq jaǵynan artta qalǵanymyzdy moiyndaimyz. Sol úshin, birinshi kezekte, kólik infraqurylymyn damytý qajet. Almaty týraly aitqanda kólik jáne ekologiia máselesin ainalyp ótýge bolmaidy. Biz osy eki problemany qalaida sheshýimiz kerek. Men óz tarapymnan barynsha qoldaý kórsetýge daiynmyn. Barlyq máseleni sheshe almasaq ta, olardy edáýir azaitýǵa bolady. Árine, «Almaty qalasyn damytý-2020» baǵdarlamasy jaqsy ázirlengen. Biraq, ol arqyly qaladaǵy barlyq ózekti máselelerdi sheshý múmkin emes. Almatynyń áleýeti óte joǵary. Biraq, biz ony tolyq paidalanyp jatqan joqpyz. Sondyqtan, qaladaǵy bir emes, barlyq infraqurylymdy damytýǵa laiyqty deńgeide qoldaý kórsetýmiz qajet, – dedi E. Dosaev.
Búgin, ońtústik astanada «Almaty – ómir súrýge jáne bizneske qolaily qala» 5-shi Innovatsiialyq forýmy barysynda belgili ýrbanist, Gehl Arhitects kompaniiasynyń direktory Rikardo Marini Almaty elektromobilder qalasyna ainalatynyn alǵa tartty.
– Almaty – bul tek qana saýda ortalyqtarynan turmaidy. Almatynyń simvoldarynyń biri - birinshi kezekte Kók bazar. Qalada kólikter emes, adam sanyn arttyrý úshin ne isteý kerek? Ekologiiany jaqsartyp, velosiped joldaryn kóbeitý qajet. Mysaly, Londonda kólik júrgizýshileri kóliktiń paidalanylǵan gazy úshin de salyq tóleidi. Onyń ústine qala ortalyǵynda joldar aqyly bolǵan. Qazaqstanda da solai jasaýǵa bolady, – dedi ol.
Sonymen qatar, ol qalada avtoturaq baǵasy ósetin bolsa, kólikterdiń sany azaiatyndyǵyn jetkizdi. «Londonda avtoturaqtar azaitylyp jatyr. Biz birtindep elektr qýatymen júretin elektromobilderge aýysyp jatyrmyz. Almaty da elektromobilder qalasyna ainalýy tiis. Oǵan qosa, avtoturaqtardy qalanyń tómengi jaǵyna aýystyrýǵa bolady», - dedi R. Marini.
Óz kezeginde qala ákimi Baýyrjan Baibek qalada aqyly avtoturaq júiesi engizilgendigin, bul qala ortalyǵynda kólik keptelisin azaitýǵa septigin tigizetindigin aitty.
"QmD" aqparat
