Almaty indýstrialdy aimaǵyndaǵy bes iri kásiporynnyń ujymy 100% ekpe aldy
Direktordyń aitýynsha, Indýstrialdy aimaqtyń bes kásipornynda jumysshylar vaktsinanyń eki komponentin júz paiyz alǵan. Ekpe alý jaǵynan belsendilik tanytqandardyń qatarynda «Hyundai Trans Kazakhstan» jeńil avtokólikterin óndirý zaýyty, «KSM Tehnovid» sáýlet qasbetterin óndirý zaýyty, «Qaztaiger teip» skotch jáne streich-úldir óndirý kásiporny, «Dok.KO» jáne «Almapak» qaǵaz oramasyn óndirýshi. Endi bul kásiporyndar epidemiologiialyq jaǵdaidyń shekteýleri men nasharlaýyna qaramastan tolyq jumys istei alady.
– Basqa kásiporyndarda jumyskerlerdi vaktsinalaý protsesi belsendi qarqynmen jalǵasýda. Kásiporyn qyzmetkerlerine yńǵaily bolý úshin mobildi ekpe brigadalary bardy. Olar tikelei jumys oryndarynda ózderin koronavirýstan qorǵaǵysy keletinderge ekpe saldy. Vaktsina barlyq sanitarlyq-epidemiologiialyq talaptar eskerile otyryp júrgizildi, – dedi Á. Amralin.
Búginde Almaty Indýstrialdy aimaǵynyń kásiporyndarynda 1 218 qyzmetker jumys isteidi. 12 shildedegi jaǵdai boiynsha 841 adam vaktsina aldy, 144 qyzmetkerde medotvod nemese antideneler bar.
Á.Amralin indýstriialyq aimaqtyń mamandary turaqty negizde rezident kompaniialarmen eńbek ujymdaryn jappai vaktsinalaý qajettiligi týraly túsindirý jumystaryn júrgizgenin aitty.
– Búginde vaktsina – bul ózimizdi jáne jaqyndarymyzdy qaýipti infektsiiadan qorǵaýdyń jalǵyz tásili. Qalypty ómirge tezirek oralý úshin biz azamattyq ustanymymyzdy kórsetip, múmkindiginshe tezirek ekpe alýymyz kerek, – dep qorytyndylady sózin Indýstrialdy aimaqtyń direktory.
2021 jylǵy 14 shildedegi jaǵdai boiynsha Almatyda I komponentpen 628 132 adam vaktsina aldy. Ótken táýlikte 12 471 adam ekpe aldy. 60 jastan joǵary vaktsina alǵan adam sany 92 352 adamdy quraidy.
Qalada meditsinalyq uiymdarda, mektepterde, mádeniet, sport nysandarynda, bazar men qalanyń SOSO-da 212 vaktsina pýnktteri jumys isteidi (250-ge deiin ulǵaitý múmkindigimen). 1 260 adam jumyldyrylǵan 308 ekpe brigadasy qyzmet atqarady.
