ديرەكتوردىڭ ايتۋىنشا، يندۋستريالدى ايماقتىڭ بەس كاسىپورنىندا جۇمىسشىلار ۆاكسينانىڭ ەكى كومپونەنتىن ءجۇز پايىز العان. ەكپە الۋ جاعىنان بەلسەندىلىك تانىتقانداردىڭ قاتارىندا «Hyundai Trans Kazakhstan» جەڭىل اۆتوكولىكتەرىن ءوندىرۋ زاۋىتى، «كسم تەحنوۆيد» ساۋلەت قاسبەتتەرىن ءوندىرۋ زاۋىتى، «قازتايگەر تەيپ» سكوچ جانە سترەيچ-ۇلدىر ءوندىرۋ كاسىپورنى، «دوك.كو» جانە «الماپاك» قاعاز وراماسىن ءوندىرۋشى. ەندى بۇل كاسىپورىندار ەپيدەميولوگيالىق جاعدايدىڭ شەكتەۋلەرى مەن ناشارلاۋىنا قاراماستان تولىق جۇمىس ىستەي الادى.
– باسقا كاسىپورىنداردا جۇمىسكەرلەردى ۆاكسينالاۋ پروسەسى بەلسەندى قارقىنمەن جالعاسۋدا. كاسىپورىن قىزمەتكەرلەرىنە ىڭعايلى بولۋ ءۇشىن ءموبيلدى ەكپە بريگادالارى باردى. ولار تىكەلەي جۇمىس ورىندارىندا وزدەرىن كوروناۆيرۋستان قورعاعىسى كەلەتىندەرگە ەكپە سالدى. ۆاكسينا بارلىق سانيتارلىق-ەپيدەميولوگيالىق تالاپتار ەسكەرىلە وتىرىپ جۇرگىزىلدى، – دەدى ءا. امرالين.
بۇگىندە الماتى يندۋستريالدى ايماعىنىڭ كاسىپورىندارىندا 1 218 قىزمەتكەر جۇمىس ىستەيدى. 12 شىلدەدەگى جاعداي بويىنشا 841 ادام ۆاكسينا الدى، 144 قىزمەتكەردە مەدوتۆود نەمەسە انتيدەنەلەر بار.
ءا.امرالين يندۋستريالىق ايماقتىڭ ماماندارى تۇراقتى نەگىزدە رەزيدەنت كومپانيالارمەن ەڭبەك ۇجىمدارىن جاپپاي ۆاكسينالاۋ قاجەتتىلىگى تۋرالى ءتۇسىندىرۋ جۇمىستارىن جۇرگىزگەنىن ايتتى.
– بۇگىندە ۆاكسينا – بۇل ءوزىمىزدى جانە جاقىندارىمىزدى ءقاۋىپتى ينفەكسيادان قورعاۋدىڭ جالعىز ءتاسىلى. قالىپتى ومىرگە تەزىرەك ورالۋ ءۇشىن ءبىز ازاماتتىق ۇستانىمىمىزدى كورسەتىپ، مۇمكىندىگىنشە تەزىرەك ەكپە الۋىمىز كەرەك، – دەپ قورىتىندىلادى ءسوزىن يندۋستريالدى ايماقتىڭ ديرەكتورى.
2021 جىلعى 14 شىلدەدەگى جاعداي بويىنشا الماتىدا I كومپونەنتپەن 628 132 ادام ۆاكسينا الدى. وتكەن تاۋلىكتە 12 471 ادام ەكپە الدى. 60 جاستان جوعارى ۆاكسينا العان ادام سانى 92 352 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 212 ۆاكسينا پۋنكتتەرى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 260 ادام جۇمىلدىرىلعان 308 ەكپە بريگاداسى قىزمەت اتقارادى.
