Týrızm Almatyǵa 110 mlrd teńgeden asa tabys pen 200 mlrd teńgege jýyq ınvestısıa ákeldi, dep habarlaıdy Dalanews.kz.
2025 jyly kórsetilgen týrısik qyzmetterdiń kólemi 15,2%-ǵa artyp, 110,9 mlrd teńgege jetti. Salaǵa tartylǵan ınvestısıalardyń jalpy kólemi 198,8 mlrd teńge bolyp, 39,4%-ǵa ósti.
Investısıanyń basym bóligi qalaaralyq jolaýshylar temirjol tasymalyna, óner, oıyn-saýyq jáne demalys salasyna, jolaýshylardy qurlyqpen jáne áýe kóligimen tasymaldaýǵa, ornalastyrý jáne tamaqtandyrý qyzmetterine, sondaı-aq, jeńil kólikterdi jalǵa berý men lızıńke baǵyttalǵan.
2025 jyldyń qorytyndysy boıynsha týrızm salasynan túsken salyq túsimi 27,2%-ǵa ósip, 84 mlrd teńgege jetti. Negizgi úlesti qoǵamdyq tamaqtaný, sport, demalys jáne oıyn-saýyq, sondaı-aq, ýaqytsha ornalastyrý qyzmetteri qamtamasyz etti.
"Bul kórsetkishter týrısik sala turaqty damyp kele jatqanyn jáne onyń Almaty ekonomıkasyna eleýli úles qosyp otyrǵanyn kórsetedi. Bul týrızmniń qala ósiminiń basym baǵyttarynyń biri ekenin taǵy bir márte dáleldeıdi", - dep jazylǵan ákimdik habarlamasynda.
