Almatydaǵy kólik júktemesi shegine jetti. Qala kóshelerine kún saiyn 1,2 millionnan astam avtokólik shyǵady, onyń jarty milliony oblystan kiretin mashinalar. Sonyń saldarynan megapolis álemdegi eń keptelisti qalalardyń alǵashqy elýine kirdi, dep habarlaidy Dalanews.kz.
Sarapshylardyń aitýynsha, ár júrgizýshi jylyna orta eseppen 50 saǵattan astam ýaqytyn jol keptelisinde ótkizedi. Bul jaǵdai bir kúnde paida bolǵan joq – másele ondaǵan jyl boiy qordalanyp keldi.
Negizgi sebepterdiń qatarynda qalaǵa aǵylatyn kólik leginiń shekten tys ósýi, tar kirme joldar, megapoliske beiimdelmegen ortalyq kósheler, qoǵamdyq kóliktiń álsiz damýy, avtoparktiń kúrt kóbeiýi jáne jol mádenietiniń tómendigi atalady.
Mamandar eger júieli reforma jasalmasa, aldaǵy jyldary Almatynyń edáýir bóligi qozǵalyssyz qalýy múmkin ekenin eskertedi. Jaǵdaidy túzeý úshin qoǵamdyq kólikti túbegeili jańǵyrtý, qala ortalyǵyna aqyly kirý tetigin engizý, shet aimaqtarda aýystyryp miný habtaryn salý, “aqyldy” baǵdarsham júiesin keńeitý jáne ekologiialyq talaptardy kúsheitý qajet.
Sarapshylardyń pikirinshe, batyl ári keshendi sheshimder qabyldanbasa, Almaty tolyqqandy kólik daǵdarysyna uryný qaýpinde tur.
