«Almaty» telearnasynda Satybaldy Narymbetov jaiynda derekti joba jaryq kórdi
Kino jáne ádebiet salasynda ózindik sýretkerlik álemin qalyptastyryp, qoǵam beinesin, zamannyń jańarǵan kelbetin óner tilimen jetkizgen halyq murasynyń janashyry, daryndy tulǵa ǵumyryn kinoǵa arnap, ózinen keiingi urpaqty saýattylyqqa jeteledi.
Ár týyndysyn balasyndai kórip, halyqtyń tynys-tirshiligin ekran arqyly jetkize bildi. Ótken zamannyń búlkildegen tamyryna dóp tústi.
Satybaldy Narymbetovtyń Mustafa Shoqai, Kenesary han týraly jazǵan dissertatsiiasy úshin qýǵyndalyp, túrmege túsken tarihshy Ermuhan Bekmahanov jaiyndaǵy «Amanat» filmi de kórermen yqylasyna bólendi. Budan ózge ol – «Sozaqtan shyqqan Gamlet», «Balalyq shaǵymnyń Don Kihoty», «Aýyldan kelgen kúieý», «As-salaýmaǵaleikým, Atlantida», «Aiǵai» filmderiniń avtory. Kóbiniń stsenariiin ózi jazyp, kino ónerine búkil sanaly ǵumyryn arnady.
