Bul týraly QR Ulttyq qaýipsizdik komitetiniń baspasóz qyzmeti habarlady.
«Shuǵyl operatsiia bir ýaqytta Almaty, Aqtóbe, Atyraý oblystary men Almaty qalasynda júrgizilip jatyr. Dini alaýyzdyq týǵyzý jáne tyiym salynǵan uiym qyzmetine qatysty degen kúdikpen Ulttyq qaýipsizdik ókilderi 16 adamdy quryqtady», — delinedi QR Ulttyq qaýipsizdik komitetiniń resmi saitynda.
«Olardyń turǵylyqty meken-jaiynda tintý júrgizilip, basqa da tergeý jáne protsessýaldyq áreketter júzege asyrylýda. Bul uiymnyń músheleri ál-Kaida, DAISh jáne basqa da birqatar lańkestik toptardyń ideologiiasyna qurylǵan, al ol „Qudaidan bezingenderdi aiyptaidy„ nemese taqfir qaǵidatyn nasihattaidy», — delinedi vedomstvo taratqan aqparatta.
QR Ulttyq qaýipsizdik komitetiniń baspasóz qyzmeti taratqan málimetke sáikes, «At-Taqfir ýál-Hijra» dini ekstremistik tobyna enetinder Siriia men Iraktaǵy lańkesterdiń is-áreketin maquldaidy, sonymen qatar, jalpylai bilik etýdiń zaiyrly formasyn joqqa shyǵaryp, eldiń konstitýtsiialyq zańdaryn kózge ilmeidi.
Bul uiym 2014 jyly sot sheshimimen ekstremistik dep tabylyp, onyń Qazaqstan aýmaǵynda jumys isteýine tyiym salynǵan. Sondai-aq ol AQSh, Resei, Qytai, Mysyr, Liviia, Marokko, Tájikstan, Ózbekstan jáne basqa da elderdiń lańkestik uiym dep tanylǵan tizimderde de bar.
QR Ulttyq qaýipsizdik komiteti arnaiy operatsiianyń aldaǵy jaǵdaiattaryn ýaqtyly habarlap otyratyn bolady.
Eske sala ketelik, 7-jeltoqsanda Aqtóbede QR Ulttyq qaýipsizdik komiteti Sybailas jemqorlyqqa qarsy kúres ulttyq biýrosymen, ishki ister organdarymen birlese otyryp, elimizdiń batysynda munai urlyǵymen ainalysqan uiymdasqan qylmystyq topty quryqtaý boiynsha keń kólemdi arnaiy operatsiia júrgizgen bolatyn.
Derekkóz: kaz.365info.kz
