Almaty qalasy ákiminiń orynbasary Asqar Ámrın qyzmetinen ketti

Dalanews 14 tam. 2025 20:19

2025 jyldyń 13 tamyzynda Almaty ákimdiginiń baspasóz qyzmeti qala basshysynyń taǵy bir orynbasary óz ornyn bosatqanyn habarlady. Qyzmetimen qosh aıtysqan Asqar Ámrın ekeni belgili, dep habarlaıdy Dalanews.kz.

Qalalyq ákimdiktiń resmı habarlamasyna sáıkes, Asqar Ámrın 2025 jyldyń 13 tamyzynda basqa laýazymǵa aýysýyna baılanysty qyzmetinen ketti.

Onyń 2022 jyldyń aqpan aıynan bastap sáýlet, qala qurylysy, qalalyq utqyrlyq, energetıka, sýmen jabdyqtaý, sondaı-aq ekonomıka salalaryna jetekshilik etkeni belgili.

Asqar Ámrın 1975 jyldyń 1 qańtarda SQO-da dúnıege kelgen. E.A.Bóketov atyndaǵy Qaraǵandy memlekettik ýnıversıtetiniń túlegi, Kornel quqyq mektebiniń (AQSH) quqyq magıstri.

Eńbek jolyn Aqmola oblysy boıynsha Zeınetaqy tóleý jónindegi memlekettik ortalyqta zańger- konsýltant bolyp bastaǵan.

1997-2001 jyldary QR Ádilet mınıstrliginde ártúrli laýazymdardy atqardy;
2012 jyly – QR Indýstrıa jáne jańa tehnologıalar mınıstrliginiń jaýapty hatshysy;
2012-2016 jyldary – QR Bas prokýratýrasynyń Basshysy;
2016 jyly – QR Bas prokýratýrasynyń Quqyqtyq statısıka jáne arnaıy esep komıteti tóraǵasynyń birinshi orynbasary;
2016-2017 jyldary – Astana qalasy ákiminiń keńesshisi;
2017-2022 jyldary – Nur-Sultan qalasy ákiminiń orynbasary;
2022 jyly 3 aqpanda Almaty qalasy ákiminiń orynbasary bolyp taǵaıyndaldy.

2025 jyly 17 shildede Almaty qalalyq josparlaý jáne ýrbanıstıka basqarmasynyń jańa basshysy taǵaıyndaldy. Bul laýazymǵa Almas Jańbyrshy keldi. Sondaı-aq, qazir qalada saıabaqtar, skverler men qalalyq orta úshin jaýapty jańa basshy Batyrhan Súleımenov boldy. Sonymen qatar, 7 tamyzda Ásem Núsipova da ákimniń orynbasary qyzmetinen bosaǵan.