2025 jylǵy 10 shildede áleýmettik jelide Almaty qalasy Tótenshe jaǵdailar departamentiniń (TJD) basshysy Nurlan Atyǵaevtyń óz qyzmetinen ketkeni týraly aqparat tarady. Quzyrly ministrliktiń (TJM) baspasóz qyzmeti bul aqparatty búgin rastady. Jelidegiler Atyǵaevtyń qyzmetinen ketýin ál-Farabi men Nazarbaev dańǵyldary qiylysynda jaqynda bolǵan órtpen bailanystyrýda, dep habarlaidy Dalanews.kz.
Buǵan deiin Almatyda jol ústinde otqa oranǵan "Gazel" kóliginiń videosy taraǵan bolatyn. Videoda órt sóndirýshiler arnaiy qurylǵydan kóbik atqysy kelgenimen onysynan túk shyqpaidy, sondyqtan olar sýǵa kóshedi. Jelidegiler bul áreketke narazy bolyp, syndy qarsha boratady. Keiin TJD bul jaitqa qatysty túsinikteme berýge májbúr bolady.
QR TJM baspasóz qyzmeti atalǵan eki oqiǵanyń bir-birine túk qatysy joǵyn aitady:
"Atyǵaev qalalyq Tótenshe jaǵdailar departamentiniń qurylymyndaǵy kadrlyq ózgeristerge bailanysty qyzmetinen ketti. Bul oqiǵalar messendjerler men áleýmettik jelide taraǵan aqparatpen bailanysty emes. Tek resmi derek kózderdi basshylyqqa alýdy suraimyz".
Atyǵaev 2023 jyldyń qazan aiynda Almaty qalalyq TJD bastyǵy bolyp taǵaiyndaldy. Al oǵan deiin Aqmola oblysy TJD basshylyǵynda bolyp, sondai-aq SQO-daǵy TJD-da da jumys istegen.
