Almaty qalasy politsiia departamentiniń jergilikti politsiia qyzmetiniń basshysy Serik Shýmaev qoǵamdyq oryndarda azamattardyń bet-júzin tolyqtai jaýyp turatyn kiim túrlerin kiiýge tyiym salynǵanyn málimdedi. Mundai sheshimniń negizgi maqsaty – azamattardy vizýaldy túrde jedel ári naqty anyqtaý múmkindigin qamtamasyz etý, dep habarlaidy Dalanews.kz.
Onyń aitýynsha, bul shekteýler bet-júzdi tolyq jaýyp turatyn balaklava, nikab, arnaiy maska tárizdi kiim túrlerine qatysty. Alaida zańnamada bul erejege naqty negizdelgen birqatar erekshelik te qarastyrylǵan.
"Qoǵamdyq oryndarda adamnyń bet-álpetin tolyǵymen kórsetpeitin kiimderdi kiiýge tyiym salynǵan. Bul shekteý tek balaklava, maska nemese nikab sekildi bet-júzdi tolyq jasyratyn kiim elementterine ǵana qatysty. Degenmen densaýlyǵyna bailanysty nemese aýa raiy qolaisyz kezde, qyzmettik mindetterin oryndaý barysynda, sondai-aq, zańdy túrde ótkiziletin jappai is-sharalarǵa qatysý kezinde bul erejege ruqsat etilgen", – dedi Serik Shýmaev.
Politsiia departamenti bul shekteýler Qazaqstan Respýblikasynyń qoldanystaǵy zańnamasyna sáikes azamattardyń quqyqtary men bostandyqtaryn, onyń ishinde dini senim erkindigin tolyq saqtai otyryp júzege asyrylatynyn atap ótti.
Eske salaiyq, biyl maýsymda Qazaqstanda qoǵamdyq oryndarda adamnyń bet-álpetin jaýyp júrýge resmi túrde tyiym salynǵan bolatyn. Bul norma Memleket basshysy qol qoiǵan quqyq qorǵaý qyzmetin jetildirýge qatysty zańda kórsetilgen.
