Almaty oblysynda 3598 volonter bar
Bir ǵana Almaty oblysyn alatyn bolsaq, munda 14 pen 29 jas aralyǵyndaǵy 280 017 jas bar. Olardyń ishinde 3598-i erikti retinde tirkelgender qatarynda. Óńirde óz erkimen elge jaqsylyq jasaýdan aldyna jan salmaityn jastardyń sany aitarlyqtai kóp bolmaǵanymen olardyń atqarǵan isteri júrekterge jylý syilary anyq.
Aimaqtaǵy 36 volonterlik uiym, 15 jastar isi jónindegi komitet pen 17 úkimettik emes uiymdarda igilikten shet qalyp júrgen joq.
Almaty oblysy qazaqtyń darhandyǵyn alǵa tartatyn orta. Ásirese, jastar saiasaty qaiyrymdylyqqa kelgende aldyna qara saldyrmaidy. Sózimizdiń dáleli sol, jyl basynan beri oblysta 4142-den astam volonterlik aktsiiasy uiymdastyrylǵan.
Aitalyq «Kúshimiz birlikte» aktsiiasy Alashty bir týdyń astyna uiystyryp turǵan uly sózge ainalǵany qashan?.. Tatýtylyq týyn jyqpaǵan eldi endigi jerde janǵa jylýlyq syilar ulyqty isteri «bir qoldyń salasyndai, bir úidiń balasyndai» etip biriktergen uran ispetti. Dál osy ataýdy arqaý etken shara respýblika aýmaǵynda kóp-aý, biraq oblystaǵy bul shara biregei.
Nátijeside kóńil qýantady. Qańtardyń 11-de bastalǵan volonterlik aktsiiasynyń negizgi maqsaty – jalǵyzbasty, kópbalaly otbasylarǵa járdemdesý. 404-404 «Jedel jelisi» naýqan aiasynda jelige qosyldy. Shamamen 181 qońyraý kelip túsken. 100-den astam taǵdyrlar dál osy jelige muńyn shaǵyp jeńildedi, sáikesinshe uiymdastyrýshylarda olardyń júgin kóterisip, jeńildettti. Basty mindet oryndaldy.
Eriktiler júrekke jylý syilap keledi
Almaty oblysynyń volonterleri «Birgemiz» sózin sana túkpirine toqyp alǵandary. Onysy atqarǵan jumystarynan da tipti, aktsiiaǵa arqaý bolǵan attardanda kórinis taýyp keledi. Kezekti birligi jarasqan toptyń igilikti sharasy «Birgemiz: Qamqor» dep atalady.
Bul baǵyt boiynsha 2711 aktsiia uiymdastyrylyp, 10 820 az qamtylǵan, kópbalaly otbasylarǵa jáne jalǵyzbasty qarttarǵa kómek kórsetildi. Oblys kóleminde «Ile júregi», «Ana men bala», «Jeruiyq Kegen» volonterlik uiymdary belsendi jumys atqaraǵanyn atap ótken abzal.
Sonymen qatar, úisiz janýarlardy qorǵaýǵa jáne kómektesýge baǵyttalǵan 151-den astam shara «Birgemiz: Ayala» jobasy sheńberinde ótkizilse, «Asyl Mura» baǵyty aiasynda eskertkishterdi tazalaý, tarihi-mádeni obektilerdi saqtaý boiynsha jyl basynan – 78 aktsiia ótken bolatyn.
Sondai-aq, bolashaq bilimdi jastardyń qolynda ekenin eskerger volonterlik qozǵalys ókilderi 1200 oqýshynyń aǵylshyn tilin tereńdetip oqýyna múmkindik berdi. Aita keteiik tildi tegin meńgerýge joldama alǵan jastardyń derligi turmysy tómen otbasylardan shyqqan jáne aýyl mektepterinde oqityn baladardan quraldy. Olarǵa bilimin jetildirýge «Bilim way» jobasy muryndyq boldy. Aimaqta «Birgemiz: Bilim» aiasynda osy tektes 210 aktsiia ótkizilgenin qýanyshpen habarlaimyz.
Oblystaǵy eriktilerdiń bastamasymen «Birgemiz: Saylyq» baǵyty boiynsha, naýqastar kútimine kómek kórsetý maqsatynda 99 aktsiia ótken edi.
Onyń ishinde dárihanalardyń jumys kestesi týraly aqparat berý maqsatyndaǵy «Onlain dárihana» aktsiiasynda 11-20 qańtar kúnderi 36 jalǵyzbasty qartqa olardyń ózderiniń qarajaty esebinen dári-dármekter jetkizildi.
Sonymen qatar «Birgemiz: Sabaqtastyq» baǵyty aiasynda volonterler balalar úiiniń tárbielenýshilerine, halyqty áleýmettik qorǵaý júiesindegi áleýmettik qyzmet kórsetý boiynsha – 149 aktsiia ótti.
Oblys kóleminde «First class» jobasy júzege asyrylýda. Joba aiasynda tájiribe alý jáne jetim balalardyń múmkindikterin keńeitip, tálimgerler pýly qalyptastyryldy.
Al «Birgemiz: Taza Alem» jobasyn uiymdastyrýshylar qorshaǵan ortany qorǵaý, ózender men ormandardy tazartý, aǵash otyrǵyzý, qoqystardy suryptaýǵa jas býyndy baýlý boiynsha qyzmet etip, 349 ashara jelkenin kóterdi.
Qaiyrymdy júrek...
Qaiyrymdylyqtyń basty missiiasy – úmit syilaý. Munyda Almaty oblysynyń eriktileri nazardan tys qaldyrmady. Qazirgi tańda adam ómirine qaýip týǵyzatyn túrli oqiaǵalar oryn alý ústinde, sol sebepti oblys eriktileri «Birgemiz: Umit» baǵyty boiynsha joǵalǵan adamdardy izdeý, apattar qaýpin azaitý jáne tabiǵi jáne tehnogendik sipattaǵy tótenshe jaǵdailardyń saldaryn joiýǵa qatysty 589 sharany abyroimen atqarǵanyn eske salamyz.
Osy tektes igi istiń jalǵasyn san júrekti jylytqan «Janashyr júrek» aktsiiasy tolyqtyrǵan jaiy bar. Onda 603 erikti jas boiynsha qarttar men kóp balaly, az qamtylǵan otbasylarǵa túrli baǵytta kómek qolyn sozǵan bolatyn.
Bul – aktsiianyń ótýine qala jáne aýdandarda jumys jasap jatqan iri jáne orta kásip oryndary men jergilikti ákimshilik, qala jáne aýdannyń maslihat depýtattary qoldaý kórsetkenin basa aitqan abzal.
Qazany qainaǵan qaiyrymdylyqqa úles qosý tektiniń tegimen astasyp jatqan úlken is. Osy saýaptyń arqanyn esýge volonterlerdi kóbirek tartý jumysy qashanda ózekti. Bul ispen negizinde óńirlik front-ofisterdiń qyzmetkerleri ainalysyp kelse, aýyldyq okrýgterde bul jumysty jastar isi jónindegi nusqaýshylar uiymdastyrady.
Taǵdyr syn tezine salyp, ómirdiń aiazynda jyly júrekten ot alýǵa qarmanǵan qarashanyń qarashyǵyndaǵy qaiaýdy azaityp, kózindegi mólt etken jasty súrtýge tyrysqan qaiyrymdy júrektiń ieleriniń bul qadamdary maqtaýǵa turarlyq.
Anar SABYROVA, Almaty oblysy.
